+7 (701) 759 90 19 Лента
22 °С : نۇر-سۇلتان
17 °С : الماتى
USD 386.71 EUR 429.17
RUB 6.02 CNY 54.66
جاڭالىقتار

الماتىدا وقۋشىلارعا دەسترۋكتيۆتى ءدىني اعىمدار جايلى ايتىلدى

11 قىركۇيەك 14:19
:ءبولىسۋ
الماتىدا وقۋشىلارعا دەسترۋكتيۆتى ءدىني اعىمدار جايلى ايتىلدى

الماتى. قازاقپارات - الماتىدا №86 -مەكتەپ وقۋشىلارىنا ماماندار دەسترۋكتيۆتى ءدىني اعىمداردىڭ ىقپالىنا قالاي قارسى تۇرۋ جولدارىن ءتۇسىندىردى، دەپ حابارلايدى قازاقپارات ءتىلشىسى.

وقۋشىلارعا ءدارىستى قوعامدىق دامۋ باسقارماسىنىڭ اقپاراتتىق ءتۇسىندىرۋ توبىنىڭ مۇشەسى، ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىنىڭ دوتسەنتى، فيلوسوفيا عىلىمدارىنىڭ كانديداتى جەكەبايەۆا ماقپال وقىدى.

ءدارىستى 9-سىنىپتىڭ 115 وقۋشىسى، 5 مۇعالىم تىڭدادى.

ماماننىڭ ايتۋىنشا، ەلىمىزدىڭ قاۋىپسىزدىگى مەن تۇراقتىلىعى ساياسي، اسكەري، ءدىني، ەكونوميكالىق، رۋحاني قاۋىپسىزدىك نەگىزدەرىنىڭ مىعىم بولۋىنا تىكەلەي بايلانىستى.

«ەلىمىزدە «ءدىن» اتىن جامىلعان بىرلەستىكتەر، كەرى اعىمدار، ەكسترەميزم مەن تەرروريزم مۇشەلەرى ەلدىڭ ءدىني ساناسىنا كەرى اسەرىن تيگىزۋدە، بۇل ەلدىڭ ىنتىماعى جانە ۇلتتىڭ تۇتاستىعىن ساقتاۋ، قوعامدىق كەلىسىمدى قولداۋعا قاۋىپتى بولىپ تۇر»، - دەدى ماقپال جەكەبايەۆا.

سونىمەن قاتار، ساراپشى ءدىني سەكتالارعا تارتۋ جولدارىن اسا دەن قويىپ ايتتى.

«سىزدەر سياقتى جاستار، جاسوسپىرىمدەر ءتۇرلى ءدىني دەسترۋكتيۆتى اعىمداردىڭ قاقپانىنا وڭاي ءتۇسىپ قالاتىن ۇرىمتال توپتارعا جاتادى. ويتكەنى، ءومىرىن ءالى بولجاپ ۇلگەرمەگەن جاستاردىڭ بارلىعى بالالىقتان ەسەيۋ كەزەڭىنە وتەدى. سول ساتتە جاسوسپىرىمدەرگە اتا- اناسى، بولماسا جاقىندارى ەمەس، باسقالار اۆتوريتەت كورىنە باستاۋى مۇمكىن. سوندىقتان، سىزدەر بىلىممەن قارۋلانۋلارىڭىز كەرەك. اينالاڭىزداعى ادامداردان ۇرەي مەن قورقىنىشىنىڭ جيىلەۋىن، دەپرەسسياعا ۇشىراعانىن، ۇيدە ءجيى بولماۋىن، تۋىستارىمەن قاتىناسى سۋىعانىن، ءوز- وزىنەن تۇيىقتالا باستاعانىن بايقاساڭىز مىندەتتى تۇردە دابىل قاعىڭىزدار. كەز كەلگەن سەكتانىڭ ماقساتى ەل تىنىشتىعىن بۇزۋ، ءوز پىكىرلەرىن ءوز جاقتاستارىن كوبەيتۋ، ەل اراسىندا كەڭىنەن تاراتۋ»، - دەدى ماقپال جەكەبايەۆا.

ءدارىس بارىسىندا وقۋشىلارعا دەسترۋكتيۆتى ءدىني اعىمداردىڭ قاۋپى تۋرالى ارنايى ۆيدەوفيلم مەن سلايدتار كورسەتىلدى.

الماتى قالاسى قوعامدىق دامۋ باسقارماسىنىڭ مونيتورينگ جانە تالداۋ ورتالىعى جىل اياعىنا دەيىن وسى سياقتى 600 دەن استام ءىس- شارا ۇيىمداستىرماق. جالپى سانى 100 مىڭنان اسا ادام قامتۋ جوسپاردا بار. بۇل ءىس-شارالار قالامىزدىڭ بارلىق الەۋمەتتىك توپتارىن قامتيدى. جالپى ءبىلىم

بەرۋ مەكەمەلەرى وقۋشىلارىنا، ورتا ارنايى، جوعارى وقۋ ورىندارى ستۋدەنتتەرىنە جانە دە دەسترۋكتيۆتىك اعىم وكىلدەرى كوپ شوعىرلانعان ساۋدا كەشەندەرىندە باسىم كوپشىلىك شارالار جۇرگىزىلەدى.

اۆتور: گۇلميرا عوسمانالي


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات