باستىعىنان تاياق جەگەن الماتىلىق پوليتسيا ينسپەكتورىنا العىس ايتتى
«وسىدان ءبىر-ەكى اپتا بۇرىن مەدەۋ اۋدانىندا ورنالاسقان ءبىر كومپانيادا جاعىمسىز وقيعا ورىن الدى. جۇمىس ورنىندا كومپانيا ديرەكتورى قىزمەتكەرگە قول جۇمساعان. جابىرلەنۋشىنىڭ دەنساۋلىعىنا جەڭىل دارەجەدە زيان كەلتىردى. باستىعىنان تاياق جەگەن قىزمەتكەر بىزدەن كومەك سۇرادى. مەدەۋ اۋدانىنىڭ №76-ۋچاسكەسىنىڭ ينسپەكتورلارى وقيعا ورنىنا شۇعىل جەتتى. قىزمەتكەرىنىڭ دەنساۋلىعىنا زيان كەلتىرگەن سەرىكتەستىك ديرەكتورىنىڭ جاساعان قىلمىسى قولدانىلعان شارالار ارقىلى دالەلدەندى»، - دەيدى مەدەۋ اۋداندىق پوليتسيا باسقارماسىنىڭ باستىعى بولات توتىبايەۆ.
پوليتسيا باسقارماسىنا حات جولداعان جابىرلەنۋشى پوليتسيانىڭ شۇعىل ارەكەتىنە قاراماستان، كىنالى لايىقتى جازاسىن المايدى دەپ كۇدىكتەنگەن.
«مەن بەكەر ۋايىمداعان ەكەنمىن. پوليتسيا قىزمەتكەرلەرى وزدەرىنىڭ كاسىبي مىندەتىن وتە جاقسى ورىندادى. مەن پوليتسيا كاپيتانىنا جانە ونىڭ ارىپتەستەرىنە كاسىبي شەبەرلىگى ءۇشىن العىس ايتامىن. ۋچاسكەلىك پوليتسيا قىزمەتكەرلەرى وتە ساۋاتتى، ولار حالىق قۇقىعىن قورعاۋ بويىنشا قىزمەتتىك مىندەتتەرىن ادال ورىندادى»، - دەپ جازادى العىس حات اۆتورى.
اۆتور: الما مۇقانوۆا