اباي تۋرالى تەلەسەريال تۇسىرىلەدى

نۇر- سۇلتان. قازاقپارات - قازاقتىڭ باس اقىنى اباي تۋرالى تەلەسەريال تۇسىرىلەدى، دەپ حابارلايدى قازاقپارات ءتىلشىسى.

بۇل تۋرالى «قازاقستان» ر ت ر ك» ا ق باسقارما ءتوراعاسى ءلاززات تانىسباي Astana Media Week اپتالىعىندا مالىمدەدى.

«جاقىندا عانا «اباي» سەريالىنا كونكۋرس جاريالادىق. البەتتە، بۇل وتە زور جاۋاپكەرشىلىك بولعاندىقتان بۇل سەريالدى تۇسىرۋدەن جاسقانشاقتاپ وتىرعان جايىمىز بار. كونكۋرسقا التى كومپانيا عانا ءوتىنىش بىلدىرگەن. ونىڭ تەك بىرەۋىندە عانا تاريحي سەريال ءتۇسىرۋ تاجىريبەسى بار ەكەن. بۇل ءبارىمىز ءۇشىن ۇلكەن پروبلەما. بارىنە ياعني، تاجىريبە كەرەك»، - دەدى تەلەكورپوراتسيا باسشىسى «قازاقستانداعى كينو مەن سەريالدى دامىتۋ» پانەلدىك سەسسياسىندا.

ونىڭ ايتۋىنشا، سەريال كەلەسى جىلدىڭ سوڭىنا دەيىن ەفيرگە شىعۋى ءتيىس.

«سەريالدى كىم تۇسىرەتىنى ءالى بەلگىسىز. ءبىراق، سەناريگە تاپسىرىس بەردىك. اكتەرلەر كاستينگى دە ۇلكەن جۇمىس، تاپسىرىس بەرۋشىگە ياعني، تەلەارناعا بىرنەشە ادامدى ۇسىنادى. ولاردىڭ اراسىنان سايكەس اكتەر بەكىتىلەدى. «اباي» سەريالىندا بىرنەشە باس كەيىپكەر بولۋى مۇمكىن، سەبەبى ابايدىڭ بالالىق، جاستىق جانە ەرەسەك شاعىن قامتۋدى جوسپارلاپ وتىرمىز»، - دەدى ل. تانىسباي.

بۇعان دەيىن ءلاززات تانىسباي وتاندىق سەريال وندىرۋدەگى باستى ماسەلەلەردى اتاعان بولاتىن.

اۆتور: ايجان سەرىكجان قىزى