قازاقستاندىقتار قانداي دەپوزيتتەردى كوبىرەك تاڭدايتىنى بەلگىلى بولدى
بۇل تۋرالى قازاقپارات Ranking.kz سايتىنا سىلتەمە جاساپ حابارلايدى.
تامىز ايىندا وتاندىق بانكتەردەگى سالىمدار كولەمى 15,24 تريلليون تەڭگەنى قۇراعان بولاتىن. بۇل بىلتىرعىدان 1,3 پايىزعا از. ونىڭ ىشىندە ەل رەزيدەنتى بولىپ سانالمايتىنداردىڭ بولشەك سالىم ۇلەسى 57,2 پايىزعا جەتكەن. بولشەك سالىمنىڭ 87,3 پايىزى شۇعىل سالىمدارعا تيەسىلى. مۇنداعى تەڭگەنىڭ ۇلەسى 50 پايىزدان استام (7,6 تريلليون تەڭگە).
«ۇزاق مەرزىمدى سالىمدا دا تەڭگەنىڭ ۇلەسى باسىم. قازاقستاندىقتار 2,09 تريلليون تەڭگەنىڭ دەپوزيتىن اشقان. دەگەنمەن، بۇل بىلتىرعىدان تومەن. جەكە ادامداردىڭ قىسقا مەرزىمدى دەپوزيتتەرى 12,2 پايىزعا ارتسا، ۇزاق مەرزىمدى سالىمدار 2,4 پايىزعا كەمىگەن. بۇل تەندەنسيامەن كۇرەسۋ ءۇشىن بانكتەر ءتۇرلى شارالار قابىلداپ جاتىر. قازاقستاننىڭ دەپوزيتتەرگە كەپىلدىك بەرۋ قورىنىڭ جاڭا ەرەجەسى بويىنشا، دەپوزيت سىياقىلارىنىڭ مولشەرلەمەسى اي سايىن جاريالانىپ تۇرۋى ءتيىس. مولشەرلەمەلەر تومەندەۋى مۇمكىن دەگەن بولجامدار بار. مۇنداي جاعدايدا ۇزاق مەرزىمدى دەپوزيتتەر وزىنە وڭتايلى مولشەرلەمەنى جىل سوڭىنا دەيىن ساقتاپ قالۋ باسىمدىعىنا يە»، - دەپ جازادى Ranking.kz.
ەسكە سالساق، قازاقستاننىڭ دەپوزيتتەرگە كەپىلدىك بەرۋ قورى سالىمشىلاردىڭ دەپوزيتتەرىن وتەۋ ۋاقىتىن قىسقارتقان بولاتىن.
اۆتور: ەسىمجان ناقتىباي