10:38, 11 - قىركۇيەك 2019 | GMT +6
الماتىدا بالاعا قول كوتەرگەن تاربيەشىنىڭ ارەكەتى ۆيدەوعا ءتۇسىپ قالدى
الماتى. قازاقپارات - الماتىدا بالاباقشا تاربيەشىسىنىڭ بالانى ۇرعانى ۆيدەوعا ءتۇسىپ قالدى، دەپ حابارلايدى قازاقپارات ءتىلشىسى.
بۇل ۆيدەو الەۋمەتتىك جەلىدە تارالىپ جاتىر. وقيعا اۋەزوۆ اۋدانىنداعى №58-بالاباقشادا بولعان.
بەينەكادردا «باۋىرساق» توبىنىڭ تاربيەشىسى تاماق ءىشىپ وتىرعان بالانى ۇرىپ، زەكىپ، ەكىنشى بولمەگە وتىرعىزىپ قويماق بولعان.
سول ايەل قايتا اينالىپ كەلىپ، ەكىنشى بالانىڭ باسىنان نۇقىعان.
قالالىق ءبىلىم باسقارماسى بۇل وقيعاعا قاتىستى تومەندەگىدەي تۇسىنىك بەردى.
«قازىر سول بالاباقشاعا تەكسەرۋ جىبەرىلدى. ناتيجەسىنە قاراي تۇسىنىك بەرىلەدى»، - دەدى قالالىق ءبىلىم بەرۋ باسقارماسىنان.
اۆتور: گۇلميرا عوسمانالي