+7 (701) 759 90 19
-1 °С : نۇر-سۇلتان
-4 °С : الماتى
USD 384.63 EUR 427.98
RUB 6.08 CNY 54.68
جاڭالىقتار

قىتايداعى قازاق فوتوگرافى

11 قىركۇيەك 10:00
:ءبولىسۋ
قىتايداعى قازاق فوتوگرافى

نۇر-سۇلتان. قازاقپارات - ءسىز - كورە وتىرىپ تابيعات انانىڭ تۇڭعيىعىنا سۇڭگىسەڭىز، تاريحتىڭ تاڭباسىن بايقاساڭىز، ۇلتتىڭ ۇلىلىعىن سەزىنىپ بولمىس پەن اقيقاتتىڭ اراسىندا اداسساڭىز، وندا ۇلى سۋرەتكەردىڭ شىعارماشىلىعىنىڭ شەڭبەرىنە ەنىپ كەتتىم دەپ ويلاي بەرىڭىز.

ءبىزدىڭ زەيىنىمىز ءوز زامانداستارىنان وزا شاپقان تارباعاتايلىق باعدار ەسىمدى ازاماتتىڭ ءتول تۋىندىلارىنا باعىتتالدى.

«تالانت تاس جارادى، تاس جارماسا باس جارادى» دەگەن ءتامسىلدىڭ شىندىعىن مىنا عاجاپ فوتوسۋرەتتەردىڭ وزدەرى-اق ايتىپ تۇر. قانداسىمىز قىتاي فوتوسۋرەتشىلەر وداعى مەن Photographic Society of America ۇيىمى بىرلەسىپ ۇيىمداستىرعان ۇلكەن بايقاۋدىڭ جۇلدەگەرى.

42 ەلدىڭ 686 كاسىپقوي سۋرەتشىلەرى قاتىسقان سايىستا قازاق بالاسى تاڭبالاعان فوتو ۇزدىكتەر قاتارىنان تابىلدى. اقتىق سىنعا وتكەن 1172 فوتوسۋرەت 5 اتالىم بويىنشا ساراپقا سالىندى. تابيعاتتىڭ سىرىنا تەرەڭ ۇڭىلە بىلگەن باعدار باۋىرىمىزدىڭ فوتوسۋرەتى قولا جۇلدەنى يەمدەندى.

جات ەلدە تۇرسا دا، ءداستۇرى مەن تۋعان ءتىلىن ارداقتاۋدى ەش ۇمىتپاعان ازاماتتى سىزدەرگە تانىستىرۋدى ءجون سانادىق.

- باعدار، سۋرەتتەرىڭنەن تابيعات اناعا دەگەن ماحابباتىڭدى بىردەن بايقاۋعا بولادى. شابىتىڭدى تۋعان جەرگە دەگەن ىنتىعىڭ وياتادى ما؟

- البەتتە، كىندىك قانىڭ تامعان جەر قاشاندا ىستىق بولاتىنى ءسوزسىز. اتا- بابامنىڭ ءىزى جاتقان ايماق مەن ءۇشىن - قاسيەت. جۇرەك قۋىسىمدا دالامنىڭ جاڭعىرىعى ماڭگى سايراپ تۇرادى. سوندىقتان مەنى ەڭ ءبىرىنشى تۋعان ولكەمە دەگەن ساعىنىش جىگەرلەندىرەدى. قىتايدىڭ تارباعاتاي وبلىسىنىڭ ءدوربىلجىن اۋدانىندا دۇنيەگە كەلدىم. اكە- شەشەم قىزمەت بابىندا بولعاندىقتان مەنى ناعاشى اتامنىڭ قولىنا ءجيى قالدىرىپ كەتەتىن. ال ول كىسىلەر تۇمسا تابيعاتتىڭ قۇشاعىندا، جازدا جايلاۋ، قىستا قىستاۋدا تىرشىلىك كەشكەن. مەن ءۇشىن بۇل كەزەڭ بالالىق شاعىمنىڭ ەڭ ساۋلەلى داۋرەنى ەدى. ۇلى تابيعاتقا شەكسىز ماحابباتىم وسى ۋاقىتتان باستالدى.

- قازاق دالاسىن، اتا- باباڭنىڭ تۋعان جەرىن سۋرەتكە ءتۇسىرىپ تاريح پاراقتارىندا قالدىرۋدى ارماندايسىڭ با؟

- «ارمانسىز ادام - قاناتسىز قۇسپەن تەڭ» دەمەۋشى ما ەدى. ۇلتىمدى، وتانىمدى، قازاقى بولمىسىمىزدى، تاريحىمىز بەن ءداستۇرىمىزدى الەم جۇرتشىلىعىنا ۇلگى رەتىندە فوتو ارقىلى سۋرەتتەسەم دەپ ارماندايمىن. قازاقتاي كوڭىلى دارحان ەلدىڭ بارىن، بەيبىتشىلكتى ۇران ەتكەنىن، تاريحىنىڭ تەرەڭدە ەكەنىن ءوز كوزقاراسىممەن جاريا ەتكىم كەلەدى. جاراتقان جار بولسا ول ۋاقىت تا الىس ەمەس.

- بۇكىلالەمدىك فوتوگرافتاردان ءوزىڭدى قاي جاعىنان ەرەكشە سانايسىڭ؟

- وزگەلەردەن مەنىڭ ەرەكشەلىگىم، بالكىم قازاق بولعانىمدا شىعار. كوشپەندىلەردىڭ تۇرمىسى مەن ونەگەسى ماعان ەتەنە جاقىن. قالاي سۋرەتتەۋدى ءجىتى سەزەمىن. تابيعات اناعا سۇيىسپەنشىلىگىم دە شىعارماشىلىعىمنىڭ نەگىزگى ءتۇپقازىعى.

- ماقساتىڭ مەن مۇراتىڭ؟

- ارمان- مۇراتىم قولىمداعى فوتواپپاراتىما تۇتاس الەمدى سىيدىرسام دەيمىن. ادام اياعى باسپاعان جەرلەردە بولىپ، سول تىنىستى بوياماسىز كەيىپتە كورسەتكىم كەلەدى.



































Aikyn.kz


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات