تۇركىستان قالاسىندا قوناق ءۇي اۋماعىندا جارىلىس بولدى

تۇركىستان. قازاقپارات - تۇركىستان قالاسىندا قوناق ءۇي اۋماعىندا اۆتوكولىك ورتەنىپ، ونىڭ سوڭىنان جارىلىس بولدى.

بۇل تۋرالى ق ر ىشكى ىستەر مينيسترلىگى توتەنشە جاعدايلار كوميتەتىنىڭ رەسمي وكىلى نۇرسۇلتان نۇراحمەتوۆ ءمالىم ەتتى، دەپ حابارلايدى قازاقپارات ءتىلشىسى.

«10 -قىركۇيەك كۇنى كەشكى ساعات 7 دە ساتتارحانوۆ كوشەسىندە ورنالاسقان «ROYAL GRAND HOTEL»  قوناق ءۇيىنىڭ اۋماعىندا «زيل» اۆتوكولىگى جانىپ، سوڭىنان گاز باللونى جارىلدى. جارىلىس سالدارىنان جالىن قوناق ءۇيدىڭ شاتىرىنا تارادى. بولجاممەن شاتىردىڭ 1400 شارشى مەتر اۋماعى ورتەندى. قۇربان بولعاندار مەن زارداپ شەككەندەر جوق»، - دەدى ن. نۇراحمەتوۆ.

ءمالىم بولعانداي، «زيل» اۆتوكولىگى گاز باللوندارىن تاسىمالداۋمەن اينالىسادى.

ءتىلسىز جاۋدى اۋىزدىقتاۋمەن تۇركىستان وبلىستىق توتەنشە جاعدايلار دەپارتامەنتىنىڭ جەكە قۇرامىنىڭ 70 ادامى مەن 14 تەحنيكاسى اينالىسۋدا.

«پوليتسيا قىزمەتكەرلەرى قوناق ءۇي اۋماعىن قورشاۋعا الدى»، - دەدى رەسمي وكىل.

اۋدارما: ميرا تولەندى قىزى