+7 (701) 759 90 19 Лента
22 °С : نۇر-سۇلتان
17 °С : الماتى
USD 386.71 EUR 429.17
RUB 6.02 CNY 54.66
جاڭالىقتار

اناپا كينوفەستيۆالى: ءاسانالى ءاشىموۆ «ەڭ ۇزدىك ەر ادام بەينەسى» جۇلدەسىن يەلەندى

11 قىركۇيەك 09:01
:ءبولىسۋ
اناپا كينوفەستيۆالى: ءاسانالى ءاشىموۆ «ەڭ ۇزدىك ەر ادام بەينەسى» جۇلدەسىن يەلەندى

نۇر-سۇلتان. قازاقپارات - تەاتر جانە كينو ونەرىنىڭ مايتالمانى اسانالى ءاشىموۆ رەسەيدەگى «كينوشوك» حالىقارالىق كينوفەستيۆالىندە نوميناتسيا جەڭىمپازى.

بۇل تۋرالى ق ر مادەنيەت جانە سپورت ۆيتسە-ءمينيسترى نۇرقيسا داۋەشوۆ ءمالىم ەتتى، دەپ حابارلايدى قازاقپارات.

«قازاق ەلىن قۇتتىقتايمىن! قازاق تەاترى مەن كينو ونەرىنىڭ ماقتانىشى، قازاقستاننىڭ ەڭبەك ەرى، ك س ر و حالىق ءارتيسى اسانالى ءاشىموۆ رەجيسسەر ح. احمەتوۆتىڭ «ءارۋاق» فيلمىندە سومداعان ءرولى ءۇشىن 2019 -جىلدىڭ 1-8 -قىركۇيەك ارالىعىندا اناپا قالاسىندا وتكەن «كينوشوك» حالىقارالىق كينوفەستيۆالىندە «ەڭ ۇزدىك ەر ادام بەينەسى» جۇلدەسىن جەڭىپ الدى»، - دەپ جازدى ۆيتسە- مينيستر Facebook-تە.

«ءارۋاق» فيلمىن مادەنيەت جانە سپورت مينيسترلىگى تاپسىرىسى بويىنشا ش. ايمانوۆ اتىنداعى «قازاق فيلم» كومپانياسى تۇسىرگەن. كارتينادا اسانالى ءاشىموۆ اقىلدىلىق، پاراساتتىلىق پەن دانالىقتى تۋ ەتكەن قازاق اقساقالىنىڭ وبرازى - اعاتاي قارت بەينەسىن سومدايدى.

«قازاق اكتەرلىك مەكتەبىنىڭ كورنەكتى وكىلى اسانالى اعامىز - ءوزىنىڭ ناعىز بابىنداعى شەبەر ەكەندىگىن، كاسىبي ورىنداۋشىلىق شەبەرلىگىنىڭ بيىكتىگىن تاعى ءبىر دالەلدەدى. اسانالى اشىموۆتەي كورنەكتى تۇلعامەن ماقتانامىز!»، - دەدى ن. داۋەشوۆ.






اۋدارما: ميرا تولەندى قىزى


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات