+7 (701) 759 90 19 Лента
22 °С : نۇر-سۇلتان
17 °С : الماتى
USD 386.71 EUR 429.17
RUB 6.02 CNY 54.66
جاڭالىقتار

پاۆلوداردا جاستار قاربىز جەۋدەن جارىستى

11 قىركۇيەك 08:22
:ءبولىسۋ
پاۆلوداردا جاستار قاربىز جەۋدەن جارىستى

پاۆلودار. قازاقپارات - جاستار باستامالارىن دامىتۋ ورتالىعىنىڭ اۆتوتۇراعى ايماعىندا «قاربىز FEST» وبلىستىق فەستيۆالى ءوتتى، دەپ حابارلايدى pavlodarnews.kz.

شاراعا وقۋ ورىندارىنىڭ ەرىكتىلەر جاساقتارى، اۋىل جاستارى، ءوڭىر قوناقتارى، بارلىعى 400-دەن استام ادام قاتىستى. اققۋلى اۋدانى شارباقتى اۋدانى «سۇيرىك» شارۋا قوجالىعىنىڭ باسشىسى ارسەن ابدراحمانوۆ فەستيۆالگە وراي دەمەۋشى رەتىندە ەلۋدەن استام قاربىز الىپ كەلگەن. «ءبىزدىڭ قاربىزدارىمىزدىڭ قۇرامىندا سەليترا جوق. تازا تابيعي ءونىم. بالا كەزىمدە اكەم قاۋىن ەگۋمەن اينالىساتىن. بۇل وتباسىلىق بيزنەس. جىل سايىن اۋا رايىنا بايلانىستى ون بەس شاقتى ءتۇرىن ەگەمىز.

«لەدي»، «فاراو»، «حولودوك» دەگەن سۇرىپتار تانىمال. سەكسەن كۇننىڭ ىشىندە پىسەدى. جىلىنا 250-300 توننا ءونىم جينايمىز. تۇقىمدارىن رەسەي مەن قىتايدان اكەلەمىز»، - دەيدى ارسەن ابدراحمانوۆ.

ەرىكتىلەر ورتالىعىنىڭ جەتەكشىسى ساياگۇل سەرىكبەك قىزىنىڭ ايتۋىنشا، وسى شارا بارىسىندا بىرنەشە الاڭ جۇمىس ىستەيدى.

«Bon appetite » كەزەڭىندە ۇلدار مەن قىزدار ۋاقىتقا قاربىز جەۋدەن جارىسسا، «heavy قاربىز» بولىمىندە قاربىزدى كوتەرۋدەن سىنعا ءتۇستى. سونىمەن قاتار، №1 -كوركەمسۋرەت مەكتەبىنىڭ وقۋشىلارى ناتيۋرمورتتان، سەرۆيس جانە تاماقتانۋ كوللەدجىنىڭ ستۋدەنتتەرى «ارتبۋز» الاڭىندا قاربىزدى ادەمىلەپ بەزەندىرۋدەن شەبەرلىك سىنىبىن ۇيىمداستىردى.

بۇدان باسقا، ەرتىس ءوڭىرىنىڭ تالانتتى جاستارى مۋزىكالىق نومىرلەر ۇسىندى. «بىلتىرعى جىلى Batyr mall ويىن-ساۋىق ورتالىعىنىڭ اۋماعىندا وتكىزگەن بولاتىنبىز. بيىل جاستار جىلى اياسىندا ەرىكتىلەر جاساقتارى اراسىندا ءوتتى. بۇل جولى قاتىسۋشىلاردىڭ سانى ارتقانى بايقالادى. اۋىلدىق ايماقتار مەن قالالاردان كەلىپ وتىر»، - دەيدى ساياگۇل سەرىكبەك قىزى.

مۇنداعى باستى ماقسات - جەرگىلىكتى باقشا ونىمدەرىن وندىرۋشىلەردى ناسيحاتتاۋ جانە كوپشىلىككە تاراتۋ.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات