+7 (701) 759 90 19
1 °С : نۇر-سۇلتان
7 °С : الماتى
USD 389.94 EUR 433.50
RUB 6.10 CNY 55.13
جاڭالىقتار

شىمكەنتتە جاسوسپىرىمدەر تاعى دا توبەلەسىپ، ءبىر-بىرىنە وق اتقان

11 قىركۇيەك 07:40
:ءبولىسۋ
شىمكەنتتە جاسوسپىرىمدەر تاعى دا توبەلەسىپ، ءبىر-بىرىنە وق اتقان

شىمكەنت. قازاقپارات - شىمكەنتتە جاسوسپىرىمدەر تاعى دا توبەلەسىپ، ءبىر-بىرىنە وق اتقان. سالدارىنان ءبىر كامەلەتكە تولماعان جاس ءوسپىرىم دەنە جاراقاتىن الدى، دەپ حابارلايدى قازاقپارات ءتىلشىسى.

قالالىق پ د باسپا ءسوز قىزمەتىنىڭ مالىمەتىنشە، كەلەڭسىز جاعداي الماتى تاس جولى مەن ق. تولەمەتوۆ كوشەسىنىڭ قيىلىسىندا ورىن العان. 16-17 جاس ارالىعىنداعى جاسوسپىرىمدەر ءوزارا جانجالدى شەشپەك بولىپ، وسىندا جينالعان. ولاردىڭ بىرەۋى ازىرگە بەلگىسىز قارۋدان وق اتقان. قازىر بۇل ءجايتتى پوليتسيا تەرگەپ جاتىر. كۇدىكتىلەردىڭ جەكە باستارىن تەرگەۋ بارىسىندا كامەلەتكە تولماعان 5 جاس ءوسپىرىم انىقتالعان. جاسوسپىرىمدەردىڭ ەكەۋى قۇقىقبۇزۋشىلىققا قاتىسى بار-جوعىن انىقتاۋ ءۇشىن ۇستالعان. قالعاندارىن ۇستاۋ بويىنشا جەدەل كەشەندى ءىس-شارالار جۇرگىزىلۋدە.

«بۇل جايت شىمكەنت قالالىق پوليتسيا دەپارتامەنتىنىڭ اباي اۋدانى پوليتسيا باسقارماسىمەن ق ر ق ك-نىڭ 293-باپ 3-بولىگى 2-تارماعىنا سايكەس سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە تىركەلگەن. سوتقا دەيىنگى تەرگەپ-تەكسەرۋ امالدارى جالعاسۋدا»، - دەلىنگەن حابارلامادا.

ەسكە سالايىق، بۇعان دەيىن شىمكەنتتە مەكتەپ وقۋشىلارى توبەلەسىپ، بىرەۋى جاراقات العان بولاتىن. قازىرگى تاڭدا ەكى وقۋشى قاماۋعا الىنىپ، تەرگەۋ امالدارى جۇرگىزىلۋدە

اۆتور: اينۇر اقبايەۆا


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات