قاسىم- جومارت توقايەۆتىڭ قىتايعا مەملەكەتتىك ساپارى باستالدى
«قازاقستان پرەزيدەنتى قىتاي حالىق رەسپۋبليكاسىنا مەملەكەتتىك ساپارمەن كەلدى. قاسىم- جومارت توقايەۆ بەيجىڭدە قازاقستان-قىتاي ىسكەرلىك كەڭەسىنىڭ 6-وتىرىسىنىڭ اشىلۋىنا قاتىسادى جانە قىتاي قوعامدىق عىلىمدار اكادەمياسىندا ءدارىس وقۋى جوسپارلانعان. مەملەكەت باسشىسى ق ح ر ءتوراعاسى شي جينپيڭمەن، ق ح ر مەملەكەتتىك كەڭەسىنىڭ پرەمەرى لي كىشياڭمەن جانە قىتايدىڭ ءبىرقاتار ساياسي جانە ىسكەرلىك توپتارىمەن كەلىسسوز وتكىزەدى»، - دەدى ب. ءۋالي.
سونداي-اق قازاقستان پرەزيدەنتى قىتايعا جاساعان ەكى كۇندىك ساپارىنىڭ اياسىندا حاڭجوۋ قالاسىنا دا بارىپ، يننوۆاتسيالىق ونىمدەردى الەمدىك نارىققا شىعارۋ بويىنشا كوشباسشى «Hikvision» كومپانياسىنىڭ جۇمىسىمەن تانىساتىنى كۇتىلەدى.
سونىمەن قاتار باعدارلاما بويىنشا «Alibaba» كومپانياسىنىڭ كەڭسەسىنە بارىپ، جەك مامەن كەزدەسۋى جوسپارلانعان.
قازاقستان پرەزيدەنتىنىڭ 11-12 -قىركۇيەك ارالىعىندا قىتايعا مەملەكەتتىك ساپارى وتەتىنى جونىندە بۇعان دەيىن حابارلاعان بولاتىنبىز.
ق. توقايەۆتىڭ قىتايعا ساپارىنان نە كۇتىلەدى؟ الدا قانداي ماڭىزدى كەزدەسۋلەر مەن كەلىسسوزدەر بار؟ قانداي قۇجاتتارعا قول قويىلۋى ءتيىس؟ ق ر مەن ق ح ر اراسىنداعى ءوزارا بايلانىستىڭ دەڭگەيى قانداي؟ بۇل تۋرالى ق ر پرەزيدەنتىنىڭ حالىقارالىق قاتىناستار جونىندەگى كومەكشىسى مۇرات نۇرتىلەۋوۆ «قازاقپارات» حالىقارالىق اگەنتتىگىنە بەرگەن ەكسكليۋزيۆتى سۇحباتىندا ايتىپ بەرگەن بولاتىن.
