+7 (701) 759 90 19
-10 °С : نۇر-سۇلتان
-2 °С : الماتى
USD 386.19 EUR 427.71
RUB 6.07 CNY 54.87
جاڭالىقتار

ق ر پرەزيدەنتى جولداۋدى ىسكە اسىرۋ جونىندەگى جالپى ۇلتتىق ءىس- شارالار جوسپارىن بەكىتتى

10 قىركۇيەك 20:36
:ءبولىسۋ
ق ر پرەزيدەنتى جولداۋدى ىسكە اسىرۋ جونىندەگى جالپى ۇلتتىق ءىس- شارالار جوسپارىن بەكىتتى

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ قازاقستان حالقىنا ارنالعان جولداۋدى ىسكە اسىرۋ جونىندەگى جالپى ۇلتتىق ءىس- شارالار جوسپارىن بەكىتتى، دەپ حابارلايدى قازاقپارات.

اقوردا «مەملەكەت باسشىسىنىڭ 2019 -جىلعى 2 - قىركۇيەكتەگى «سىندارلى قوعامدىق ديالوگ - قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىن ىسكە اسىرۋ جونىندەگى شارالار تۋرالى» قر پرەزيدەنتىنىڭ 2019 -جىلعى 10 - قىركۇيەكتەگى №152 جارلىعىنا تۇسىنىك بەردى.

«مەملەكەت باسشىسى 2019 -جىلعى 2 - قىركۇيەكتەگى «سىندارلى قوعامدىق ديالوگ - قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىن ىسكە اسىرۋ جونىندەگى جالپى ۇلتتىق ءىس- شارالار جوسپارىن بەكىتتى. جالپى ۇلتتىق جوسپار ازاماتتىق قوعامدى دامىتۋ، اۋىر قىلمىستار بويىنشا قىلمىستىق زاڭنامانى قاتاڭداتۋ، اكىمشىلىك يۋستيتسيانى ەنگىزۋ، شاعىن جانە ورتا بيزنەستى قولداۋ، پايدالانىلمايتىن اۋىل شارۋاشىلىعى جەرلەرىن مەملەكەتكە قايتارۋ، تاۋارلار مەن قىزمەتتەردىڭ قۇنىن تومەندەتۋ، باسەكەلەستىكتى دامىتۋ، الەۋمەتتىك ساياساتتى وڭالتۋ، ءبىلىم بەرۋ ساپاسىن ارتتىرۋ، قازاقستاندىقتاردىڭ ءوز زەينەتاقى جيناقتارىن پايدالانۋعا مۇمكىندىك بەرۋ جانە ت. ب. ءبىرقاتار سالالار بويىنشا ناقتى ءىس- شارالاردى قامتيدى» ، - دەلىنگەن تاراتىلعان حابارلامادا.

سونداي- اق جولداۋدا جاريالانعان باستامالاردى قارجىلاندىرۋعا باعىتتالعان شارالار قاراستىرىلعان، ونىڭ ىشىندە ىشكى ىستەر مينيسترلىگىن رەفورمالاۋعا، پەداگوگتار مەن مادەنيەت جانە ونەر قىزمەتكەرلەرىنىڭ جالاقىسىن وسىرۋگە، بيزنەستى قولداۋ باعدارلامالارىن ىسكە اسىرۋعا، ينفراقۇرىلىمدى دامىتۋعا جانە ت. ب..

جولداۋدىڭ بارلىق باعىتتارىنىڭ ىسكە اسىرىلۋىن نورماتيۆتىك قامتاماسىز ەتۋ ءۇشىن اكىمشىلىك راسىمدىك- پروتسەسسۋالدىق كودەكس، 17 زاڭ، پرەزيدەنتتىڭ 4 جارلىعى مەن ۇكىمەتتىڭ 16 قاۋلىسى ازىرلەنىپ، قابىلداناتىن بولادى.

سونىمەن قاتار، مەملەكەت باسشىسىنىڭ تاپسىرمالارىن ەسكەرە وتىرىپ ۇكىمەت جاڭا مەملەكەتتىك باعدارلامالاردى بەكىتىپ، قولدانىستاعى مەملەكەتتىك باعدارلامالارعا وزگەرىستەر مەن تولىقتىرۋلار ەنگىزەتىن بولادى (يندۋستريالدىق- يننوۆاتسيالىق دامىتۋ، «بيزنەستىڭ جول كارتاسى-2025» ، «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ، ءبىلىم جانە عىلىمدى دامىتۋ، «نۇرلى جەر» جانە ت. ب. ) .

ءىس- شارالاردىڭ باسىم بولىگىن اعىمداعى جىلدىڭ سوڭىنا دەيىن ىسكە اسىرۋ جوسپارلانۋدا.

مەملەكەت باسشىسىنىڭ بارلىق باستامالارىنىڭ مۇلتىكسىز جانە ۋاقتىلى ورىندالۋىن پرەزيدەنت اكىمشىلىگى قاداعالايتىن بولادى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات