قىتايلىق ايەل ەگىز ۇلدارىن ساتىپ، اقشاسىنا جاڭا تەلەفون العان

None
None
نۇر-سۇلتان. قازاقپارات - قىتايدىڭ جىجياڭ پروۆينسياسىندا جاڭا تۋعان ەگىز ۇلدارىن ساتقان كەلىنشەك تۇتقىندالدى.

كەلىنشەكتىڭ ايتۋىنشا ول مۇنداي قادامعا اقشانىڭ جوقتىعىنان جانە قارىزدارىنان قۇتىلۋ ءۇشىن بارعان. وقيعا 2018 -جىلدىڭ قىركۇيەگىندە بولعان. بالالاردىڭ اكەسى ولاردان باس تارتىپ، قاشىپ كەتكەن. كەلىنشەك بالالاردى نەكەسىز تۋعان. قىزدىڭ اكە-شەشەسى دە سول سەبەپتى ودان باس تارتقان.

كەلىنشەك ەگىز ۇلدارى ءۇشىن 65 مىڭ يۋان العان. بالالاردىڭ اكەسى وسىدان كەيىن عانا قايتىپ كەلىپ، اقشامەن بولىسۋگە كوندىرگەن. سولايشا ەكەۋى دە قارىزدارىنان قۇتىلىپ، كەلىنشەك قالعان اقشاعا جاڭا تەلەفون ساتىپ العان. پوليتسيا بۇل تۋرالى جاقىندا عانا، باسقا ءىستى تەرگەۋ بارىسىندا بىلگەن. قازىر بالالاردىڭ اناسى دا، اكەسى دە تۇتقىندالعان.

دەرەككوز: Lenta.ru


سوڭعى جاڭالىقتار