ەركە ەسماحان، ءالي وقاپوۆ ەسىرتكىگە قارسى روليكتەرگە ءتۇستى

نۇر- سۇلتان. قازاقپارات -  قازاقستاننىڭ ىشكى ىستەر مينيسترلىگى ەسىرتكىگە قارسى روليكتەر جەلىسىن شىعاردى، دەپ دەپ حابارلايدى قازاقپارات ءتىلشىسى.

«سالاۋاتتى ءومىر سالتىن ناسيحاتتاۋ، ەسىرتكىنىڭ الدىن الۋدا جاستار اراسىنداعى بەلسەندى ازاماتتىق ۇستانىمدى قالىپتاستىرۋ، دەنساۋلىققا قۇندىلىقتى كوزقاراس قالىپتاستىرۋ، ناشاقورلىق پروبلەماسىنا نازار اۋدارتۋ ماقساتىندا ىشكى ىستەر مينيسترلىگى «سۆوبودنىە ليۋدي» قاۋىمداستىقتى دامىتۋ قورىمەن بىرلەسىپ، ەۋروپالىق وداقتىڭ ورتالىق ازياداعى ناشاقورلىقتىڭ الدىن- الۋ باعدارلاماسى اياسىندا اتا- انالارعا ارنالعان «بالاڭىزدى سۇيۋگە ۇيرەتىڭىز، سوندا ول ەسىرتكىدەن الشاق بولادى» ، «شامادان تىس جۇمىس» ، «بالاڭىزدى سەزىنۋگە ۇيرەتىڭىز، سوندا ول ەسىرتكىدەن الشاق بولادى» ، «باقىلاۋ» جانە «ەركىنە جىبەرۋ» اتتى بەينەروليكتەر توپتاماسىن ءتۇسىرۋدى اياقتادى»، - دەلىنگەن ۆەدومستۆو مالىمەتىندە.

 مينيسترلىك اقپاراتىنا سايكەس، قازاقستان ەستراداسىنىڭ جۇلدىزدارى ەركە ەسماحان، ءالي وقاپوۆ جانە «ەكەۋ» توبى ناشاقورلىق پروبلەماسىنا بەي- جاي قاراماي ءوز پىكىرلەرىن بىلدىرگەن. بەينەروليكتەر ەلدىڭ تەلەارنالارىندا جانە «چاپلين» كينوتەاترى جەلىسىندە تكورسەتىلەدى. سونىمەن قاتار روليكتەر ءى ءى م ەسىرتكى قىلمىسىنا قارسى ءىس- قيمىل دەپارتامەنتىنىڭ «ناركوتيكام نەت» YOU TUBE ارناسىندا ورنالاستىرىلعان.