+7 (701) 759 90 19
1 °С : نۇر-سۇلتان
7 °С : الماتى
USD 389.94 EUR 433.50
RUB 6.10 CNY 55.13
جاڭالىقتار

ەلوردادا جاستارعا ارنالعان جالدامالى پاتەر قاشاننان باستاپ بەرىلەدى

10 قىركۇيەك 17:34
:ءبولىسۋ
ەلوردادا جاستارعا ارنالعان جالدامالى پاتەر قاشاننان باستاپ بەرىلەدى

نۇر- سۇلتان. قازاقپارات - نۇر- سۇلتان قالاسى اكىمدىگىنىڭ قوعامدىق دامۋ باسقارماسىنىڭ باسشىسى تالعات راحمانبەردى ەلوردا جاستارىنا جالدامالى پاتەر قاشاننان باستاپ بەرىلەتىنىن جاريالادى، دەپ حابارلايدى قازاقپارات ءتىلشىسى.

«نۇر- سۇلتان قالاسىندا 14-29 جاس ارالىعىندا 245 مىڭنان استام ازامات بار. وسى باعدارلاماعا سايكەس، جىل سوڭىنا دەيىن 1050 پاتەر بەرۋ قاراستىرىلعان. ءدال قازىرگى ۋاقىتتا وسى پاتەرلەردىڭ ءتيىستى كونكۋرستىق قۇجاتتارى دايىندالىپ جاتىر. ءبىز جوسپار بويىنشا قاراشا ايىنان باستاپ باعدارلاماعا قۇجات قابىلدايمىز. ول ءۇشىن ەشقايدا بارىپ، ەشقانداي كەزەككە تۇرۋدىڭ قاجەتى جوق. قۇجاتتاردى قابىلداۋ «سمارت- استانا» الاڭىندا تولىعىمەن ەلەكتروندى تۇردە وتەدى. ول تۋرالى ءبىز ۋاقىتى جاقىنداعاندا تاعى دا حاباردار ەتەمىز» ، - دەدى تالعات راحمانبەردى ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

ەسكە سالا كەتسەك، بىلتىر جاستار جىلىنىڭ اشىلۋىنا ارنالعان سالتاناتتى جيىندا ەلباسى نۇرسۇلتان نازاربايەۆ استانا، الماتى جانە شىمكەنت قالالارىندا جاستار ءۇشىن جىلىنا 1 مىڭ پاتەر سالىناتىنىن ءمالىم ەتكەن بولاتىن.

ال بىلتىر كۇزدە ۇكىمەتتىڭ كەڭەيتىلگەن وتىرىسىندا سول تۇستاعى يندۋستريا جانە ينفراقۇرىلىمدىق دامۋ ءمينيسترى جەڭىس قاسىمبەك (قازىر - پرەمەر- ءمينيستردىڭ ورىنباسارى) استانا، الماتى، شىمكەنت جۇمىسشى جاستارىنا 1 مىڭ پاتەر سالۋ مامىردا باستالاتىنىن حابارلاعان ەدى.



نۇر- سۇلتان، الماتى مەن شىمكەنت قالالارىندا جاستارعا بەرىلەتىن جالدامالى پاتەر باعدارلاماسىنا قالاي قاتىسۋعا بولاتىنىن بۇگىنگى باسپا ءسوز ءماسليحاتىندا قر اقپارات جانە قوعامدىق دامۋ مينيسترلىگى جاستار جانە وتباسى ىستەرى كوميتەتىنىڭ ءتوراعاسى ماديار قوجاحمەت ايتىپ بەردى. جالدامالى پاتەر العىسى كەلەتىن جاستار باعدارلاماعا قاتىسۋ ءۇشىن مىنا سىلتەمەدەگى قۇجاتتاردى جيناۋى ءتيىس.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات