+7 (701) 759 90 19
1 °С : نۇر-سۇلتان
7 °С : الماتى
USD 389.94 EUR 433.50
RUB 6.10 CNY 55.13
جاڭالىقتار

جاستارعا بەرىلەتىن باسپانا: باعدارلاماعا قالاي قاتىسۋعا بولادى

10 قىركۇيەك 16:50
:ءبولىسۋ
جاستارعا بەرىلەتىن باسپانا: باعدارلاماعا قالاي قاتىسۋعا بولادى

نۇر- سۇلتان. قازاقپارات - نۇر- سۇلتان، الماتى مەن شىمكەنت قالالارىندا جاستارعا بەرىلەتىن جالدامالى پاتەر باعدارلاماسىنا قالاي قاتىسۋعا بولاتىندىعى ايتىلدى، دەپ حابارلايدى قازاقپارات ءتىلشىسى.

«ەلباسىنىڭ تاپسىرماسىنا سايكەس، نۇر- سۇلتان، شىمكەنت جانە الماتى قالالارىندا كەمىندە 1 مىڭ جالدامالى پاتەر سالۋ شارالارى قابىلدانعان. كەيىن بۇل تاپسىرما كەڭەيتىلىپ، جاستارعا ءۇش قالادا ءۇش مىڭ پاتەرگە دەيىن سالۋ جونىندە تاپسىرما بەرىلگەن بولاتىن. ەرەجەگە سايكەس، ءبىرىنشى كەزەكتە 29 جاسقا دەيىنگى جاس جىگىت نەمەسە بويجەتكەن رەسمي تۇردە نۇر- سۇلتان، الماتى نەمەسە شىمكەنت قالاسىنىڭ تۇرعىنى بولۋى ءتيىس. سونداي- اق، ەرەجەگە سايكەس، جاس ادامنىڭ تۇراقتى جۇمىس ورىنى بولۋى جانە جىلجىمايتىن مۇلكى بولماۋى كەرەك. سەبەبى، ءبىز جاستارعا ءوز تۇرعىن ءۇيىن ساتىپ الۋ ءۇشىن باستاپقى جارنا جيناۋعا مۇمكىندىك بەرۋىمىز كەرەك» ، - دەدى ق ر اقپارات جانە قوعامدىق دامۋ مينيسترلىگى جاستار جانە وتباسى ىستەرى كوميتەتىنىڭ ءتوراعاسى ماديار قوجاحمەت ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

كوميتەت ءتوراعاسىنىڭ ايتۋىنشا، بۇدان بولەك ۇمىتكەردىڭ بانكتە شوتى بولۋى ءتيىس.

«ويتكەنى، ونىڭ باستاپقى جارنانى جيناۋعا قىزىعۋشىلىعى بولۋى قاجەت. سونىمەن قاتار، بۇل جوبانىڭ ماقساتى - جاستارعا ءوز تۇرعىن ءۇيىن الۋعا مۇمكىندىك بەرۋ. ۇمىتكەردىڭ قىزمەتتەگى جەتىستىكتەرى بويىنشا ءتيىستى كۋالىكتەرىن راستايتىن قۇجاتتارىن كورسەتسە قوسىمشا تاعى جەڭىلدىكتەر بەرىلەدى. سونىمەن قاتار، ءوتىنىش بەرۋشىنىڭ وتباسى جانە بالالارى بولعان جاعدايدا قوسىمشا جەڭىلدىكتەر قاراستىرىلعان» ، - دەدى ول.

ماديار قوجاحمەتتىڭ ايتۋىنشا، جۇمىس ىستەيتىن جاستارعا ارنالعان جالعا بەرىلەتىن تۇرعىن ءۇي باعدارلاماسى 2021 -جىلعا دەيىن جۇمىس ىستەيدى.

«ستاتيستيكالىق مالىمەتتەرگە سۇيەنسەك، قازاقستاندا 29 جاسقا دەيىنگى 4 ميلليونعا جۋىق جاستار بار. ونىڭ ىشىندە 245 مىڭى نۇر- سۇلتان قالاسىندا، 700 مىڭى الماتىدا، 260 مىڭى شىمكەنت قالاسىندا تۇرادى. تاپسىرماعا سايكەس، وسى ءۇش قالادا كەمىندە 3 مىڭ پاتەر تاپسىرىلادى. جىل سايىن ءۇش مىڭ پاتەر تاپسىرىلاتىن بولسا، وندا وسى جۋىق ارادا ءاربىر قالادا 9 مىڭ پاتەر تاپسىرىلۋى ءتيىس دەگەن ويدامىز. بۇل پاتەردى جالعا بەرۋ مەرزىمى بەس جىل دەپ بەلگىلەنىپ وتىر. بۇل ماقساتتا بيۋدجەتتەن 21 ميلليارد تەڭگە ءبولىنىپ، ءۇش قالاعا اۋدارىلعان. جەرگىلىكتى اتقارۋشى ورگاندار قازىرگى تاڭدا ءۇي ساتىپ الۋ ماسەلەسىن قولعا الىپ جاتىر» ، - دەدى ماديار قوجاحمەت.

جالعا بەرىلەتىن ۇيلەر جاستارعا ساتىپ الۋ قۇقىعىسىز بەرىلەدى. جالعا بەرۋ باعاسى ايىنا 10-12 مىڭ تەڭگە كولەمىندە بولادى.

ەسكە سالا كەتسەك، بىلتىر جاستار جىلىنىڭ اشىلۋىنا ارنالعان سالتاناتتى جيىندا ەلباسى نۇرسۇلتان نازاربايەۆ استانا، الماتى جانە شىمكەنت قالالارىندا جاستار ءۇشىن جىلىنا 1 مىڭ پاتەر سالىناتىنىن ءمالىم ەتكەن بولاتىن.

ال بىلتىر كۇزدە ۇكىمەتتىڭ كەڭەيتىلگەن وتىرىسىندا سول تۇستاعى يندۋستريا جانە ينفراقۇرىلىمدىق دامۋ ءمينيسترى جەڭىس قاسىمبەك (قازىر - پرەمەر- ءمينيستردىڭ ورىنباسارى) استانا، الماتى، شىمكەنت جۇمىسشى جاستارىنا 1 مىڭ پاتەر سالۋ مامىردا باستالاتىنىن حابارلاعان ەدى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات