+7 (701) 759 90 19
-2 °С : نۇر-سۇلتان
-3 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

لاتىن الىپبيىنە كوشپەيمىز، ورالامىز - گەننادي شيپوۆسكيح

10 قىركۇيەك 14:14
:ءبولىسۋ
لاتىن الىپبيىنە كوشپەيمىز، ورالامىز - گەننادي شيپوۆسكيح

نۇر-سۇلتان. قازاقپارات - «ءبىز لاتىن الىپبيىنە كوشپەيمىز، ورالىپ جاتىرمىز» . ق ر پارلامەنتى ءماجىلىسىنىڭ دەپۋتاتى گەننادي شيپوۆسكيح جالپى ۇلتتىق ديكتانت بارىسىندا وسىنداي پىكىر ءبىلدىردى.

«لاتىن الىپبيىنە كوشۋدىڭ تەرەڭ ماعىناسى بار. عىلىمي-يننوۆاتسيالىق جاڭعىرۋ ءجۇرىپ جاتقان ينتەرنەت داۋىرىندە الەمدىك اعىمنان قالماۋىمىز كەرەك. لاتىن ءالىپبيىنىڭ باستى ارتىقشىلىعى وسىندا. ءبىز بۇگىنگى تاڭدا لاتىن الىپبيىنە كوشپەيمىز، ءبىز لاتىن الىپبيىنە ورالامىز. ويتكەنى، سوناۋ تاريحي دەرەكتەرگە سۇيەنەتىن بولساق، 1929-جىلدان باستاپ 1940-جىلعا دەيىن ەل اۋماعىندا لاتىن ءالىپبيى قولدانىلعانىن جاقسى بىلەسىزدەر. بۇگىن سول وتكەننىڭ ەسەسىن قايتارۋعا ىڭعايلى كەزەڭ تۋىپ وتىر. ءبىز بۇعان ۇزاق جول ءجۇرىپ كەلدىك. قازىر لاتىن الىپبيىنە اۋىسۋ قارقىندى جۇرۋدە. وسى پروتسەسس ناتيجەلى جالعاسىپ، ءوز جەمىسىن بەرەدى دەگەن سەنىم بار. پارلامەنت قابىرعاسىندا ارىپتەستەرىممەن لاتىن الىپبيىنە قاتىستى اڭگىمە بولا قالعان كەزدە دەپۋتاتتاردىڭ بارلىعى وڭ كوزبەن قارايتىنىن بايقاپ ءجۇرمىن. لاتىن ءالىپبيى ونسىز دا ءبىزدىڭ ومىرىزگە دەندەپ ەنىپ كەتكەن. اۆتوكولىك نومىرىنەن باستاپ كوشەدەگى جارناماعا دەيىن ءبىزدىڭ كوزىمىزدى لاتىن الىپبيىنە ۇيرەتىپ جاتىر. سوندىقتان، ونى مەڭگەرۋ قازاقستاندىقتار ءۇشىن قيىنعا سوقپاۋى كەرەك»، - دەدى دەپۋتات.

ەسكە سالساق، بۇگىن 180 مىڭ قازاقستاندىق ءبىر مەزەتتە لاتىن الىپبيىنەن ديكتانت جازدى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات