+7 (701) 759 90 19
-2 °С : نۇر-سۇلتان
-2 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

بيۋجەتتى يگەرە الماعاندارعا شارا قولدانامىز - اسقار مامين

10 قىركۇيەك 11:32
:ءبولىسۋ
بيۋجەتتى يگەرە الماعاندارعا شارا قولدانامىز - اسقار مامين

نۇر-سۇلتان. قازاقپارات - بيۋجەت قاراجاتىن يگەرە الماعان مينيسترلىكتەر مەن اكىمدىكتەرگە ءتيىستى شارا قابىلدانادى.

بۇل تۋرالى بۇگىن ۇكىمەت وتىرىسىندا پرەمەر-مينيستر اسقار مامين ايتتى، دەپ حابارلايدى قازاقپارات ءتىلشىسى.

«بىلتىرعى جىلعى، سونداي-اق بيىلعى جىلدىڭ جوسپارىنا قاراعاندا اسىرا ورىنداۋ ورىن الدى. الايدا بيۋجەتتىك باعدارلامالاردىڭ ءبىرقاتار اكىمشىلەرى بيۋجەت قاراجاتىن يگەرمەگەن. قاراجاتتىڭ ەڭ كوپ سوماسىن يگەرمەگەن ىشكى ىستەر مينيسترلىگى. وندا - 9 ميلليارد تەڭگە»، - دەدى ۇكىمەت باسشىسى.

وسى ورايدا اسقار مامين ىشكى ىستەر ءمينيسترى ەرلان تۇرعىمبايەۆتان مۇنىڭ سەبەبىن سۇرادى.

«بيۋجەت قاراجاتىن يگەرمەۋدىڭ نەگىزگى سەبەبى 3,5 ميلليارد تەڭگەگە ق ر قارجى مينيسترلىگى مەملەكەتتىك ساتىپ الۋلار كوميتەتىندە ارنايى تەحنيكالاردى جەتكىزۋگە كونكۋرس بولدى. ولار - 39 اۆتوساتى مەن 40 اۆتوتسيستەرنا. ولاردىڭ بارلىعى سەمەي اۆتوموبيل قۇراستىرۋ زاۋىتىنان شىعارىلادى. بۇگىنگى كۇنى جەتكىزۋگە ۇلگەرمەي جاتىر. 1- قازانعا دەيىن بىتىرەدى. 2,6 ميلليارد تەڭگە اسكەري بولىمشەلەرگە قاتتى-سۇيىق وتىن جەتكىزۋگە بولىنگەن. وتىن جەتكىزۋ بۇكىل قازاقستان اۋماعىندا جۇرگىزىلىپ جاتىر. قىركۇيەكتىڭ سوڭىنا دەيىن بۇل قاراجات يگەرىلەدى»، - دەگەن مينيستر قالعان قاراجاتتاردىڭ دا جىل سوڭىنا دەيىن تولىق جۇمسالاتىندىعىنا سەندىردى.

پرەمەر-مينيستر دەرەگىنشە، ەلىمىزدىڭ قورعانىس مينيسترلىگى دە 10,3 ميلليارد تەڭگەنى يگەرە الماي وتىر. وسى ماسەلەگە قاتىستى ءسوز العان قورعانىس ءمينيسترىنىڭ ورىنباسارى ءمۇسىلىم التىنبايەۆ 9 ايدىڭ قورىتىندىسىندا قاراجات 99 پايىزعا يگەرىلەتىندىگىن ايتتى.

سونىمەن قاتار، ەكولوگيا، گەولوگيا جانە تابيعي رەسۋرستار مينيسترلىگى دە 10 ميلليارد تەڭگە يگەرە الماي وتىر. بۇل ماسەلەگە قاتىستى ءسوز العان مينيستر ماعزۇم مىرزاعاليەۆ جىل سوڭىنا دەيىن قارجىنى 100 پايىز يگەرمەك. ال مادەنيەت جانە سپورت مينيسترلىگى يگەرە الماعان قاراجات سوماسى - 6,7 ميلليارد تەڭگە.

«9 ايدىڭ قورىتىندىسى بويىنشا يگەرىلمەگەن 7 ميلليارد 262 ميلليون تەڭگە قاراجاتتى تولىق يگەرەمىز»، - دەدى ق ر مادەنيەت جانە سپورت ۆيتسە-ءمينيسترى نۇرقيسا داۋەشوۆ.

يندۋستريا جانە ينفراقۇرىلىمدىق دامۋ مينيسترلىگى دە 4,9 ميلليارد تەڭگەنى يگەرە الماي وتىر. اتالعان ۆەدومستۆو باسشىسى رومان سكلياردىڭ ايتۋىنشا، بۇل سوما ارىستاعى جارىلىس سالدارىن جويۋ اكتىلەرىنىڭ كەش تاپسىرىلۋىنا بايلانىستى قالىپتاسقان.

«جىلدىڭ سوڭىنا دەيىن ساناۋلى ايلار قالدى. مەملەكەتتىك ورگاندار مەن وڭىرلەردىڭ باسشىلارى بيۋجەت قاراجاتىن ۋاقتىلى يگەرۋدى ەرەكشە نازارعا الۋى كەرەك. وسى رەتتە 9 ايدىڭ قورىتىندىسى بويىنشا بيۋجەت قاراجاتىن يگەرمەگەن مەملەكەتتىك ورگاندار مەن اكىمدىكتەرگە قاتىستى ءتيىس شەشىمدەر قابىلدانادى»، - دەپ ەسكەرتتى اسقار مامين.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات