قاسىم-جومارت توقايەۆ قىتاي تەلەارناسىنا سۇحبات بەردى

نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ قىركۇيەكتىڭ 11-12 كۇندەرىنە جوسپارلانعان ق ح ر- عا مەملەكەتتىك ساپارى قارساڭىندا قىتايدىڭ CCTV تەلەارناسىنا سۇحبات بەردى.

بۇل تۋرالى بۇگىن Facebook-تەگى پاراقشاسىندا مەملەكەت باسشىسىنىڭ باسپا ءسوز حاتشىسى بەىك ءۋالي جازدى، دەپ حابارلايدى قازاقپارات.

«مەملەكەت باسشىسى قازاق-قىتاي قاتىناستارىنىڭ دامۋ پەرسپەكتيۆالارىنا قاتىستى ءوزىنىڭ وي-پىكىرىمەن ءبولىستى. كۇن تارتىبىندەگى ەكىجاقتى ماسەلەلەردەن بولەك، قىتايلىق جۋرناليستەردى قاسىم-جومارت توقايەۆتىڭ قازىرگى حالىقارالىق قاتىناستارداعى قىتايدىڭ رولىنە، ق ح ر- نىڭ 70 جىلدىق مەرەيتويى قارساڭىنداعى جەتىستىكتەرىنە بەرگەن باعاسى اسا قاتتى قىزىقتىردى»، - دەپ جازدى ول.

سونداي-اق، ونىڭ جازۋىنشا، پرەزيدەنت وزگە دە جەكە ماسەلەلەرگە قاتىستى ساۋالدارعا جاۋاپ بەردى. سۇحبات CCTV تەلەارناسىنىڭ ەفيرىنەن كورسەتىلەدى.