+7 (701) 759 90 19 Лента
15 °С : نۇر-سۇلتان
21 °С : الماتى
USD 385.16 EUR 425.95
RUB 6.01 CNY 54.51
جاڭالىقتار

ۇكىمەت پرەزيدەنت جولداۋىن ىسكە اسىرۋ ءۇشىن قانداي شارالار اتقارادى؟

10 قىركۇيەك 10:15
:ءبولىسۋ
ۇكىمەت پرەزيدەنت جولداۋىن ىسكە اسىرۋ ءۇشىن قانداي شارالار اتقارادى؟

نۇر-سۇلتان. قازاقپارات - بۇگىن ۇكىمەت وتىرىسىندا مەملەكەت باسشىسى قاسىم-جومارت توقايەۆتىڭ «كونسترۋكتيۆتى قوعامدىق سۇحبات - قازاقستاننىڭ تۇراقتىلىعى مەن وركەندەۋىنىڭ نەگىزى» جولداۋىن ىسكە اسىرۋ جالپى ۇلتتىق ءىس-شارالار جوسپارىنىڭ جوباسى تالقىلاندى، دەپ حابارلايدى قازاقپارات ءتىلشىسى.

ق ر پرەمەر-ءمينيسترىنىڭ ورىنباسارى - قارجى ءمينيسترى ءاليحان سمايىلوۆتىڭ ايتۋىنشا، جوبا 5 باعىت بويىنشا 81 ءىس-شارادان تۇرادى.

«قازىرگى زامانعى ءتيىمدى مەملەكەت» I باعىتى بويىنشا جاڭعىرتۋ جونىندەگى ۇلتتىق كوميسسيا جۇمىسىنىڭ تيىمدىلىگىن ارتتىرۋعا باعىتتالعان 11 ءىس-شارانى ىسكە اسىرۋ؛ ازاماتتاردىڭ وتىنىشتەرىمەن جۇمىس ساپاسىن كۇشەيتۋ، مەملەكەتتىك قىزمەتشىلەر مەن ۇلتتىق كومپانيالار قىزمەتكەرلەرىنىڭ سانىن كەزەڭ-كەزەڭىمەن %25 كە قىسقارتۋ، قاتىسۋشىلار ءۇشىن قولجەتىمدىلىكتى ەسكەرە وتىرىپ، بەلگىلى ءبىر جەرلەردە بەيبىت ميتينگىلەر وتكىزۋگە رۇقسات بەرۋ كوزدەلگەن. ءال-فارابيدىڭ 1150 جىلدىعىن، ابايدىڭ 175 جىلدىعىن جانە تاۋەلسىزدىكتىڭ 30 جىلدىعىن وتكىزۋ جونىندەگى رەسپۋبليكالىق جوسپارلار ازىرلەنەتىن بولادى.

«ازاماتتاردىڭ قۇقىقتارى مەن قاۋىپسىزدىگىن قامتاماسىز ەتۋ» II باعىتى بويىنشا سوت شەشىمدەرىنىڭ مونيتورينگىسى مەن سۋديالاردى باعالاۋدى ەنگىزۋ، «سوت پراكتيكاسىنىڭ ساندىق اناليتيكاسى» جۇيەسىن سىناقتان وتكىزۋ، وزىق حالىقارالىق تاجىريبە نەگىزىندە اكىمشىلىك پوليتسيا كوميتەتىنىڭ جۇمىسىن قايتا ۇيىمداستىرۋ بويىنشا 15 ءىس-شارا ىسكە اسىرىلادى. جەكە ادامعا قارسى ءبىرقاتار اۋىر قىلمىستاردى، براكونەرلىك، اكىمشىلىك ادىلەت، سىبايلاس جەمقورلىققا قارسى شارالار ەنگىزۋ بويىنشا 5 زاڭ قابىلداۋ جوسپارلانۋدا. 2020-جىلدىڭ 1- توقسانىنىڭ سوڭىنا دەيىن قارۋلى كۇشتەر مەن اسكەري قۇرىلىمداردى دامىتۋ تۇجىرىمداماسى جاڭا رەداكسيادا قابىلدانادى»، - دەدى ول.

ۆيتسە-پرەمەردىڭ دەرەگىنشە، «قارقىندى دامىعان جانە ينكليۋزيۆتى ەكونوميكا» III باعىتى بويىنشا ەكونوميكانى ءارتاراپتاندىرۋ، بيزنەس پەن بانك سەكتورىن دامىتۋ، سالىق جانە بيۋجەت زاڭناماسى بويىنشا 27 ءىس-شارا ىسكە اسىرىلادى. ميكرو جانە شاعىن بيزنەس ءۇشىن «بيزنەستىڭ جول كارتاسى-2025» اياسىندا جاڭا جانە الەۋمەتتىك جوبالاردى مەملەكەتتىك قولداۋ شارالارى ىسكە اسىرىلاتىن بولادى.

ميكرو جانە شاعىن بيزنەس تابىس سالىعىنان جانە ءۇش جىلعا تەكسەرۋدەن بوساتىلادى. بۇدان باسقا، ۇلتتىق كومپانيالار قىزمەتىنىڭ تيىمدىلىگىنە، ولاردى قىسقارتۋ بويىنشا ۇسىنىستار ەنگىزە وتىرىپ، تالداۋ جۇرگىزىلەتىن بولادى.

«الەۋمەتتىك جاڭعىرتۋدىڭ جاڭا كەزەڭى» IV باعىتى بويىنشا 18 ءىس-شارا قاراستىرىلعان.

«ديپلوممەن اۋىلعا» باعدارلاماسى بويىنشا تۇرعىن ۇيگە كرەديت بەرۋ كەڭەيتىلەدى، جوعارى وقۋ ورىندارىنىڭ سانىنا تالداۋ جۇرگىزىلەدى، پەداگوگتاردىڭ، مادەنيەت جانە ونەر ۇيىمدارى قىزمەتكەرلەرىنىڭ ەڭبەكاقىسى ۇلعايتىلادى. اتاۋلى الەۋمەتتىك كومەكتى جەتىلدىرۋ، تابىسى از وتباسىلاردان شىققان بالالارعا كەپىلدىك بەرىلگەن الەۋمەتتىك پاكەتتى ەنگىزۋ جونىندە شارالار قابىلداناتىن بولادى»، - دەدى ول.

ءا. سمايلوۆتىڭ اتاپ وتۋىنشە، «مىقتى وڭىرلەر - مىقتى ەل» V باعىتى بويىنشا 10 ءىس-شارانى ىسكە اسىرۋ جوسپارلانعان.

جەرگىلىكتى اتقارۋشى ورگانداردى باعالاۋ جۇيەسى قايتا قارالاتىن بولادى، بيۋجەتتىڭ 4-دەڭگەيىندەگى كىرىستەردى كەڭەيتۋ جونىندە ۇسىنىستار ازىرلەنەدى، 3 ءىرى قالا اكىمدىكتەرىنىڭ قۇزىرەتى كەڭەيتىلەدى.

«سارىارقا» ماگيسترالدىق گاز قۇبىرىنا قوسۋ ءۇشىن گاز تاراتۋ جەلىلەرى كەزەڭ-كەزەڭمەن پايدالانۋعا بەرىلەتىن بولادى.

«جالپى ۇلتتىق جوسپاردى جۇزەگە اسىرۋ مەملەكەت باسشىسىنىڭ قازاقستان حالقىنا جولداۋىندا قويىلعان بارلىق مىندەتتەردى جانە سايلاۋالدى تۇعىرناماسىن شەشۋدى قامتاماسىز ەتەدى. ورتالىق مەملەكەتتىك جانە جەرگىلىكتى اتقارۋشى ورگاندار بەلگىلەنگەن مەرزىمدەرگە سايكەس ج ۇ ج-دىق ءىس-شارالارىن تولىق تاجىريبەلىك ىسكە اسىرۋدى قامتاماسىز ەتۋى قاجەت. ج ۇ ج- دىڭ ءىس-شارالارىن ىسكە اسىرۋ جونىندەگى جۇمىستاردى ۇيلەستىرۋ ۇكىمەتتىڭ جوبالاۋ وفيسىندە بولادى»، - دەدى ۆيتسە-پرەمەر.



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات