گولوۆكيننىڭ دەريەۆيانچەنكودان ارتىقشىلىعى قانداي؟

نۇر-سۇلتان. قازاقپارات - The Athletic ينسايدەرى مايك كوپپيندجەر قازاقستاندىق گەننادي گولوۆكين (39-1-1، 35 ك و) جاس ەرەكشەلىگىنە قاراماستان، ۋكراينالىق قارسىلاسى سەرگەي دەريەۆيانچەنكودان (13-1، 10 ك و) وزىق ەكەنىن ايتتى، دەپ حابارلايدى قازاقپارات Sports.kz-كە سىلتەمە جاساپ.

37 جاستاعى GGG مەن 33 جاستاعى دەريەۆيانچەنكو 5- قازان كۇنى نيۋ-يوركتەگى Madison Square Garden ارەناسىندا IBF نۇسقاسى بويىنشا ورتاشا سالماقتاعى الەم چەمپيونى تيتۋلىنا تالاساتىن بولادى.

مايكتىڭ تۆيتتەر جەلىسىندەگى وقىرماندارىنىڭ ءبىرى گەنناديدىڭ جاسى سەرگەيدەن ۇلكەن ەكەنىن اتاپ ءوتتى.

«ۇلكەن بولسا دا كۇشتىرەك»، - دەپ جازدى كوپپيندجەر.