رەسەيدىڭ اسكەري-تەڭىز كەمەسى اقتاۋ پورتىنا كەلدى
بۇل تۋرالى قازاقپارات ق م باسپا ءسوز قىزمەتىنە سىلتەمە جاساپ حابارلايدى.
قازاقستان اسكەري-تەڭىز كۇشتەرى قولباسشىلىعى كاسپي فلوتيلياسىنا كەمەلەر جاساعىنىڭ كەلۋى ەكىنشى مارتە وتكىزىلىپ وتىرعاندىعىن ايتادى. كەزدەسۋدىڭ باستى ماقساتى - ەكى ەلدىڭ فلوتتارى اراسىنداعى اسكەري ىنتىماقتاستى نىعايتۋ جانە دامىتۋ.
قازاقستان اسكەري-تەڭىز كۇشتەرى قولباسشىلىعى مەن ماڭعىستاۋ وبلىسى باسشىلىعى رەسەي اسكەري-تەڭىز فلوتى وكىلدەرىن قارسى الدى. ساپار بارىسىندا رەسەيلىك اسكەري كەمەلەر ەكيپاجى ءۇشىن سپورتتىق جارىستار ۇيىمداستىرىلىپ، ەكى ەلدىڭ اسكەري قىزمەتشىلەرى فيزيكالىق دايىندىقتارىن كورسەتتى. سونىمەن قاتار مادەني باعدارلاما اياسىندا ولكەتانۋ مۇراجايىندا بولدى.
قازىرگى تاڭدا قازاقستان اسكەري-تەڭىز كۇشتەرى مەن رەسەي فەدەراتسياسى اسكەري-تەڭىز فلوتى اراسىنداعى ىنتىماقتاستىق كادرلاردى دايىنداۋ سالاسىندا جۇرگىزىلۋدە. سونداي-اق قازاقستاندىق وفيتسەرلەر سانك-پەتەربۋرگ قالاسىنىڭ اسكەري-تەڭىز اكادەمياسىندا كەمە كومانديرلەرى، جاۋىنگەرلىك ءبولىم كومانديرلەرى، فلاگماندىق ماماندارى بويىنشا بارلىق اسكەري-تەڭىز باعىتتارىندا كۋرستىق وقۋدى يگەرىپ، قازاقستاندىق كۋرسانتتار اسكەري تەڭىز ماماندىقتارى بويىنشا رەسەيدىڭ اتالمىش جوعارعى وقۋ ورنىندا ءبىلىم الۋدا. رەسەيلىك جانە قازاقستاندىق كاسپي سۋ ايدىنىندا ءجيى تۇردە بىرلەسكەن وقۋ-جاتتىعۋلارى وتەدى.
