سولتۇستىك قازاقستاندا الەمدىك ستاندارتىنا ساي العاشقى اۋرۋحانا سالىنادى

None
None
پەتروپاۆل. قازاقپارات -  سولتۇستىك قازاقستان وبلىسىندا تۇرىك ينۆەستورلارى ەلىمىزدە بۇرىن بولماعان الەمدىك ستاندارتقا ساي كوپبەيىندى اۋرۋحانا قۇرىلىسىن باستاماق، دەپ حابارلايدى قازاقپارات ءتىلشىسى.

پەتروپاۆلدا ءوڭىر باسشىسى قۇمار اقساقالوۆ «YDA Holding» كومپانياسىنىڭ باسقارما ءتوراعاسى ارسلان حۋسەينمەن كەلىسسوزدەر وتكىزدى.

س ق و اكىمى باسپا ءسوز قىزمەتىنىڭ حابارلاۋىنشا، تۇرىك كومپانياسى «شىعىس» شاعىن اۋدانىندا كوپ سالالى اۋرۋحانانىڭ قۇرىلىسىن باستاماق.

«جىل بويى سىزدەرمەن كەلىسسوزدەر جۇرگىزىپ كەلەمىز. بۇل اۋرۋحانا وبلىسقا وتە قاجەت. تۇرعىندار ساپالى مەديتسينالىق قىزمەت الۋ كەرەك. مەديتسينالىق تۋريزمدى دە دامىتا الامىز»، - دەدى ءوڭىر باسشىسى.

اۋرۋحانا سوڭعى ۇلگىدەگى تەحنولوگيامەن قامتاماسىز ەتىلمەك. 540 ورىنعا شاقتالادى. وننان استام زاماناۋي بولىمشەلەر اشىلادى. مەديتسينالىق كەشەننىڭ جانىندا تىكۇشاققا ارنالعان قونۋ الاڭى بولادى. حالىقارالىق دەڭگەيدەگى جيىنداردى وتكىزۋ ءۇشىن بولەك عيمارات سالىنادى. مەيمانحانا مەن دارىگەرلەرگە ارنالعان باسپانا تۇرعىزىلادى. مامانداردىڭ ايتۋىنشا، بۇل قازاقستانداعى JCI جۇيەسى بويىنشا سالىنعان العاشقى اۋرۋحانا بولماق.

«بىزدە تۇركيادا جانە باسقا ەلدەردە جوبالار كوپ. قازاقستاندا 3 جوبانى جۇزەگە اسىرىپ جاتىرمىز. ءبىراق، س ق و سياقتى وسىنشا قۇلشىنىس تانىتىپ، كومەك كورسەتكەن ءوڭىر بولعان جوق. س ق و اكىمىنە بارىنشا قولداۋ بىلدىرگەنى ءۇشىن العىسىمدى جەتكىزەمىن. ءبىز ءوڭىر دارىگەرلەرىن وزىمىزدە وقىتۋعا ءازىرمىز»، - دەدى ارسلان حۋسەين.

سوڭعى جاڭالىقتار