الماتىدا قالا كۇنى قالاي تويلانادى

الماتى. قازاقپارات - بۇگىن الماتىدا قالا كۇنى مەرەكەسىنە قاتىستى باسپا ءسوز ءماسليحاتى ءوتتى، دەپ حابارلايدى قازاقپارات ءتىلشىسى.

الماتى قالالىق اكىمدىگىنىڭ باسپا ءسوز قىزمەتىنىڭ حابارلاۋىنشا، بيىل 24 -تامىزدان 30 -قىركۇيەككە دەيىن 67 ءىس-شارا جوسپارلانعان.

«ونىڭ ىشىندە «كوك-توبە وپەرا» كلاسسيكالىق مۋزىكانىڭ حالىقارالىق فەستيۆالى، «وركەسترلەر فەستيۆالى» اشىق اسپان استىنداعى فەستيۆالى، «KITAP FEST» كىتاپ فەستيۆالى، «الما-اتا -  مويا پەرۆايا ليۋبوۆ» مۋزىكالىق رەترو-فەستيۆالى، «الما Quest»  ماسشتابتى قالالىق كۆەستى، «گاككۋ داۋىسى» قازاقستاندىق مۋزىكا فەستيۆالى، «Almaty Film Festival» حالىقارالىق كينوفەستيۆالى، «الما fest»  قالالىق ءداستۇرلى الما فەستيۆالى سياقتى 34 ءداستۇرلى شارا وتەدى»، - دەدى قالالىق مادەنيەت باسقارماسىنىڭ جاڭا باسشىسى ەرنار قۇرماشەۆ.

ودان بولەك 15 -قىركۇيەكتە قالا كۇنىن مەرەكەلەۋ اياسىندا - ماسشتابتى قالالىق «الما Quest» كۆەستى وتەدى. بۇل جۇمباقتار مەن قۇپيالارى، اڭىزدارى مەن تاريحى بار كوشەلەر مەن اۋداندارداعى ناعىز ساياحات تۇرىندە وتەتىن قىزىقتى ويىن بولماق.

الما Quest كەز-كەلگەن ادام قاتىسا الادى.

قاتىسۋ ەرەجەلەرى، باستالۋ جانە اياقتالۋ نۇكتەلەرى، ءىس-شارانىڭ وتەتىن ۋاقىتى، سونىمەن قاتار جۇلدە قورى مەن سىيلىقتار تۋرالى تولىق اقپارات www.almاquest.kz ۆەب-سايتىندا جاريالانعان.

14 -قىركۇيەكتە VI «GAKKU داۋىسى» قازاقستاندىق ەسترادا فەستيۆالى «استانا» الاڭىندا وتەدى.

«Gakku داۋىسى» - بۇل جىل سايىن وتەتىن زاماناۋي قازاقستاندىق مۋزىكانىڭ فەستيۆالى. Gakku تەلەارناسى ۇيىمداستىرعان كونتسەرت بارلىق تانىمال ارتىستەردى، اعا بۋىن ارتىستەرىنىڭ ەڭ جارقىن وكىلدەرىن جانە ءار ءتۇرلى مۋزىكالىق جانرلاردىڭ وكىلدەرىن ءبىر ساحناعا جينايدى.

14-20 -قىركۇيەك ارالىعىندا Almaty Film Festival وتەدى. اشىلۋ سالتاناتى حالىقارالىق دەڭگەيلى كينوجۇلدىزدارىنىڭ قاتىسۋىمەن رەسپۋبليكا سارايىندا وتەدى.

14-20 -قىركۇيەك ارالىعىندا ءۇش نەگىزگى الاڭدا 60 استام مەن ءىس-شارا وتپەك:

Almaty Film District بيزنەس-فورۋمى، وندا كينويندۋستريا مەترلەرىنىڭ شەبەرلىك ساباقتارى، دوڭگەلەك ۇستەلدەر مەن Made in Almaty سەناريلەرىنىڭ بايقاۋى وتەدى (وتەل Mercure Almaty City Center)

Chaplin Cinemas كينوتەاترلارىندا جاس جۇلدىزدار ت م د-داعى ۋولت ديسنەي كومپانياسىمەن جانە ەۋروپالىق بالالار كينوسى قاۋىمداستىعىمەن بىرلەسۋىمەن قىزىل كىلەم ۇيىمداستىرادى.

باستى مەرەكەلىك ءىس-شارا - 15 -قىركۇيەكتە تۇڭعىش پرەزيدەنت ساياباعىندا وتەتىن قالالىق «الما fest»  الما فەستيۆالى.

پاركتىڭ اۋماعى شارتتى تۇردە 6 بەلسەندىك اۋماعىنا بولىنەدى:

- ءداستۇرلى مادەنيەتتى پاش ەتەتىن «قازاق اۋىلى» ەتنو-پاركى؛

- «Alma kids» بالالارعا ارنالعان ويىن-ساۋىق الاڭى؛

- بالمۇزداق فەستيۆالى؛

- ءدامتاتۋلارى بار الما ستريت-فۋدى مەن باربەكيۋ اۋماعى؛

- 55 شارۋا قوجىلىعىنىڭ قاتىسۋىمەن وتەتىن الما جارمەڭكەسى؛

- «Alma activ» جاستاردىڭ بەلسەندى دەمالىس اۋماعى.

15 -قىركۇيەكتە 16.00-23.00 ارالىعىندا پانفيلوۆ كوشەسىندە (مەترو ستانساسىنىڭ الدىندا) «MusicQala» كونسەرتى وتەدى.

بيىل قازاقستاننىڭ بۇلبۇلى اتانعان، ك س ر و مەن قازاقستاننىڭ حالىق ءارتىسى، سوتسياليستىك ەڭبەك ەرى، ك س ر و مەن قازاقستاننىڭ مەملەكەتتىك سىيلىقتارىنىڭ لاۋرەاتى، اكادەميك بيبىگۇل تولەگەنوۆانىڭ 90 جىلدىعىنا وراي بيبىگۇل تولەگەنوۆانىڭ X حالىقارالىق ۆوكاليستەر بايقاۋى وتەدى.

جاس وپەرا انشىلەرى وسى بايقاۋعا قاتىسۋ ءۇشىن كەڭ بايتاق قازاقستاننىڭ تۇكپىر-تۇكپىرىنەن، وزبەكستان رەسپۋبليكاسى، قىرعىز رەسپۋبليكاسى، رەسەي، باشقۇرتستان رەسپۋبليكاسى، قىرىم رەسپۋبليكاسى، تاجىكستان رەسپۋبليكاسى، قىتاي حالىق رەسپۋبليكاسى، مولدوۆا رەسپۋبليكاسى، ازەربايجان رەسپۋبليكاسى، يتاليا، بولگاريا جانە مونعوليادان الماتىعا كەلەدى.

23 -24 -قىركۇيەكتە قالا كۇنىن مەرەكەلەۋ اياسىندا قۇرمانعازى اتىنداعى قازاق ۇلتتىق كونسەرۆاتوريانىڭ ۇلكەن كونتسەرت زالىندا كامەرالى مۋزىكانىڭ «اۋەن fest»  فەستيۆالى وتەدى.

فەستيۆالگە قازاقستاننىڭ جەتى ايماعىنان كەلگەن تالانتتى مۋزىكانتتار قاتىسادى.

2-15 -قىركۇيەك ارالىعىندا قالانى مەرەكەلىك بەزەندىرۋ ءۇشىن 45 انشلاگ، 1 دجامبا، 10 بيلبورد ءبىر ستيلدە بەزەندىرىلەدى. سونداي-اق، مەترو ستانسيالارى مونيتورلارىندا قالا كۇنىنە ارنالعان بەينەروليك ورنالاستىرىلادى.

اۆتور: گۇلميرا عوسمانالي