تيتانيككە ءساتسىز كادر بەرگەن ەسكەرتكىش

None
None
نۇر-سۇلتان. قازاقپارات – بۇل ەسكەرتكىشتىڭ اتاۋى كوپ: كوك ايەل، ارالداعى ايەل، بوستاندىق حانىمى، شىراقتى حانىم، امەريكا بوستاندىعى، گراند حانىم، بارتولديدىڭ اناسى، تاعى باسقا. «بوستاندىق ەسكەرتكىشى» دەۋدىڭ ءوزى دە قاتەلىك.

ءوز تۋىندىسىنا كەزىندە ەسكەرتكىش اۆتورى «الەمدى جارقىراتقان بوستاندىق» («La Libertе еclairant le monde «) دەپ ەسىم بەرگەن ەكەن.

ەسكەرتكىش فرانسيا مەملەكەتىنىڭ ا ق ش-قا بەرگەن سىيلىعى ەكەنىن بىلەتىن بولارسىزدار؟! تاعى دا قىزىقتى دەرەك بىلگىڭىز كەلە مە؟

شاعىن انىقتامالىق:

ەسكەرتكىشتىڭ جالپى سالماعى - 204 توننا؛

جالپى بيىكتىگى (جەردەن الاۋدىڭ ۇشىنا دەيىن) - 93 مەتر؛

ءوز بيىكتىگى - 46 مەتر؛

ىرگەتاستىڭ بيىكتىگى - 27 مەتر؛

بەلىنىڭ ۇزىندىعى - 10,7 مەتر؛

وڭ قولىنىڭ ۇزىندىعى - 12,8 مەتر؛

ەسكەرتكىش ىشىندەگى باسپالداق سانى - 354.

وبراز

1876 -جىلى ەسكەرتكىشتىڭ «اتاسى» بارتولدي فرانسياسىنىڭ سول كەزدەگى سەناتورى جيۋل بوزەريانمەن تەاتردا كەزدەسىپ قالعان. بارتولدي جانىنداعى ورىندىققا سەناتوردى شاقىرىپ وتىرعىزعان ەكەن. بوزەريان تەاتر ەسىگىنىڭ قالىڭ شىمىلدىعىن اشقاندا ورىندىقتا وتىرعان ايەلدى كورىپ، «بوستاندىق ەسكەرتكىشىنە» جان بىتكەن بە دەپ ويلاپتى. سول ساتتە بارتولدي سەناتوردىڭ قۇلاعىنا «بۇل ايەل - مەنىڭ انام» دەگەن ەكەن. وسى وقيعادان كەيىن اۆتوردىڭ ەسكەرتكىش وبرازىنا ءوز اناسىن بەينەلەگەنى ءمالىم بولعان.

مەتافورا

تاجدەن تاراپ تۇراتىن 7 ساۋلە «جەتى تەڭىز»، «جەتى قۇرلىق» دەگەن ماعىنا بىلدىرەدى جانە بۇل ەسكەرتكىشتەن بولەك دايىندالعان ەلەمەنت. 1938 -جىلى قاتتى تاتتالعان سوڭ، بۇل ەلەمەنتتى ۋاقىتشا الىپ تاستاۋعا تۋرا كەلگەن. ءتاجسىز ەسكەرتكىشتى ەلەستەتىپ وتىرسىز با؟ ال قولىنداعى كىتاپتا «JULY IV MDCCLXXVI « دەگەن جازۋ بار. بۇل - ا ق ش-تىڭ تاۋەلسىزدىك العان كۇنى.

قىزمەت

كەي جىلدارى ەسكەرتكىش الاۋى كەمەلەرگە باعىت بەرەتىن شىراعدان رەتىندە «قىزمەت ەتكەن». كۇن باتقان سوڭ، تەڭىز ۇستىندەگى كەمەلەرگە باعىت بەرۋگە «كۇشى» جەتپەگەن شىراقتى 16 -جىلدان كەيىن ءوشىرىپتى-مىس. ەسكەرتكىشتىڭ ىرگەتاسى باستاپقىدا ۆۋد فورتىندا ورنالاسقان. 1818-1930 -جىلدارى ارالىعىندا اسكەري قىزمەتكەرلەردىڭ وتباسىنا پانا بولعان ەكەن. 1916 -جىلعا دەيىن تۋريستەرگە ەسكەرتكىشتىڭ الاۋىنا شىعۋعا رۇقسات بەرىلگەن. ءبىراق ارالداعى جويقىن جارىلىستان كەيىن بۇل «ساياحاتقا» رۇقسات بەرىلمەدى. سەبەبى جارىلىس سالدارىنان (ريحتەر باعامى بويىنشا 5,5 باللدىق جەر سىلكىنىسىنە سەبەپ بولعان) ەسكەرتكىشتىڭ كەي بولىكتەرى زاقىمدالعان.

مەكەن

2012 -جىلى نيۋ- يوركتا «سەندي» اتتى داۋىل بولعان. بۇل وقيعاعا دەيىن وسى ەسكەرتكىش ورنالاسقان Liberty Island-تا جالعىز لۋچزينگەر وتباسى عانا مەكەن ەتكەن. قىزىل كىرپىشتەن سالىنعان ءۇيدىڭ ساۋ-تامتىعى قالماعان سوڭ ولار دا كوشىپ كەتكەن ەكەن.

سىرتقى كۇش

عاسىردان ۇزاق جاساعان ەسكەرتكىشكە جىلىنا 600 گە جۋىق نايزاعاي تۇسەدى ەكەن. سىرتقى كۇش تەك نايزاعاي عانا ەمەس، 100 ك م/ساعات جىلدامدىقپەن سوققان جەل ەسكەرتكىشتىڭ ءوزىن 7,62 سانتيمەترگە دەيىن، ال حانىمنىڭ قولىنداعى الاۋدى 12,7 سانتيمەترگە دەيىن تەربەي الادى.

ەڭ العاش...

ەڭ العاش ەسكەرتكىش اشىلعان كەزدە التىن تيىن سەكىلدى جارقىراپ تۇرعان ەكەن. 20 -جىلدان كەيىن مىستان قالىپ جاساعان سوڭ، سىرتقى تابيعي كۇشتىڭ اسەرىنەن كوگىلدىر- جاسىل تۇسكە بويالعان ەكەن. ەسكەرتكىشتىڭ اشىلۋ سالتانىندا (28 -قازان، 1886 -جىل) كەڭسە قىزمەتكەرلەرى قۇتتىقتاۋ ماقساتىندا تەرەزەلەردەن ءتۇرلى ءتۇستى قاعاز قيىقتارىن شاشقان. وسى وقيعادان سوڭ، مەرەكەلەردە ءتۇرلى ءتۇستى كونفەتتي اتۋ ءداستۇرى جالعاسقان ەكەن. كينەماتوگرافيا الەمدى جارقىراتۋ ءۇشىن جاسالعان ەسكەرتكىش كوپ كينوتۋىندىلاردا بوي كورسەتىپ ءجۇر. سولاردىڭ تانىمالدىلارىن تىزىمدەپ كورەيىك: «مايمىلدار عالامشارى» (1968)، «ەۋروپالىق دەمالىس» (1985)، «ەلەس قۋعاندار» (1990)، «ۇيدە جالعىز قالعاندا-2» (1992)، «تاۋەلسىزدىك كۇنى» (1996)، «تيتانيك» (1996)، «X - ادامدار» (2000)، «ارعى كۇنى» (2004)، تاعى باسقا. گونورارى قانداي ەكەن؟!

ەندى سىزگە لوگيكالىق جۇمباق جاسىرىپ كورەيىك:

وسى اتالعان دەرەكتەردى «تيتانيك» فيلمىنىڭ ءتۇسىرىلىم توبى وقىسا، كادرداعى ءبىر كەمشىلىكتى جويار ەدى. دەمەك، نەنى؟ ويلانىپ كورىڭىز!

Massaget.kz


سوڭعى جاڭالىقتار