ءۇندىستان ايعا ۇشىرعان عارىش كەمەسىنەن ايىرىلىپ قالدى
باسىلىم مالىمەتىنشە، ەگەر وسى ساپار ءساتتى بولعاندا ءۇندىستان الەمگە عارىش كەمەسىن قوندىرعان ءتورتىنشى ەل بولار ەدى. بۇعان دەيىن ا ق ش، كەڭەس وداعى جانە قىتاي بۇل عارىش كەمەلەرىن جىبەرگەن.
ءۇندىستان عارىشتى زەرتتەۋ ۇيىمى (ISRO) كەمەنىڭ بۇزىلعانى نە ساۋ ەكەنى تۋرالى مالىمەتتەر بەرمەگەن. پرەمەر-مينيستر نارەندرا مودي قۇرىلعىنىڭ جوعالىپ كەتكەنى تۋرالى ءبىلىپ، ۇشىرۋ ورتالىعىنان كەتىپ قالعان. كەمەنىڭ ايعا ۇشۋ ساپارى تۋرالى باسپا ءسوز كونفەرەنسياسى بولمايتىن بولدى. سول ۇيىمنىڭ وكىلى ادجەي لەلە ساتسىزدىك - ويىننىڭ ءبىر بولىگى ەكەنىن ايتتى. ونىڭ ايتۋىنشا، ءۇندىستان بۇرىن سوڭدى ىستەپ كورمەگەن ءىستى جاساپ كورمەكشى بولعان.
ISRO مالىمەتىنشە، عارىش كەمەسى ءوز باعدارلاماسىنان شىعىپ كەتىپ، جىلدامدىعىن باقىلاي الماي قالعان. ماماندار وقيعانىڭ ءمان-جايىن انىقتاپ جاتىر.