قازاقستاندىقتار كرەديت الاردا ەڭ كوپ تاڭدايتىن مەرزىم انىقتالدى

نۇر-سۇلتان. قازاقپارات -  قازاقستانداعى ەڭ ءىرى بانكتەردىڭ كەپىلسىز تۇتىنۋشىلىق نەسيەلەرىنە تالداۋ جاسالدى.

بۇل تۋرالى قازاقپارات Ranking.kz-كە سىلتەمە جاساپ حابارلايدى.

تامىز ايىنداعى كورسەتكىشتەرگە سەنسەك، بانكتەر تاراپىنان ەل ەكونوميكاسىنا 13,05 تريلليون تەڭگە نەسيە سالىنعان. اسىرەسە، بولشەك نەسيەنىڭ ۇلەسى ارتقان. ءبىر جىلدىڭ ىشىندە جەكە ازاماتتاردىڭ نەسيە راسىمدەۋى 21,7 پايىزعا ءوسىپ، 6,01 تريلليون تەڭگە بولعان. ونىڭ 3,8 تريلليون تەڭگەسىن قاراپايىم تۇتىنۋشىلىق نەسيەلەر قۇرايدى. بۇل جالپى نەسيە نارىعىنىڭ 29,1 پايىزىنا تەڭ.

«كەپىلسىز تۇتىنۋشىلىق نەسيەلەردى ەلدەگى 19 ەكىنشى دەڭگەيلى بانك بەرىپ وتىر. سولاردىڭ اراسىندا 9 بانك نەسيەنى ەڭبەكاقىعا بايلاماي، وزگە دە تالاپتارسىز بەرۋگە دايىن. ونىڭ ىشىندە نەسيەنىڭ جىلدىق ەڭ ءتيىمدى مولشەرلەمەسى 17,2 پايىز بولىپ تىركەلگەن. مۇنداي قارىزدىڭ ەڭ ۇلكەن سوماسى 7 ميلليون تەڭگە. ا ت ف بانك، ForteBank بانك جانە سەنتركرەديت وسىنشا سومانى كەپىلسىز بەرۋگە دايىن. ول سومانى 84 ايدا ءبولىپ تولەۋگە بولادى. ال J‎san Bank, Bank RBK جانە سبەربانك 6 ميلليون تەڭگەدەن كەپىلسىز نەسيە بەرۋدە. ولار بۇل سومانى 60 ايعا ءبولىپ تولەۋدى ۇسىنىپ وتىر. نەسيە نارىعىندا ەڭ كوپ تانىمال شارت تا وسى 60 ايلىق مەرزىم بولىپ تۇر»، - دەپ جازادى Ranking.kz.