قازاقستان قۇراماسى ازيا چەمپيونى اتاندى

اتىراۋ. قازاقپارات - 6-8- قىركۇيەك كۇندەرى اتىراۋ سپورت كەشەنىندە پارادزيۋدودان ازيا جانە قۇرلىق ەلدەرىنىڭ چەمپيوناتى ءوتتى، دەپ حابارلايدى قازاقپارات ءتىلشىسى.

كەشە كوماندالىق سىندا جەڭىمپازدار بەلگىلى بولدى. قازاقستان ۇلتتىق قۇراماسى تاريحىمىزدا تۇڭعىش رەت قۇرلىق دوداسىنىڭ جەڭىمپازى اتاندى.

«اقتىق سىندا وتانداستارىمىز وزبەكستان قۇراماسىن 3:2 ەسەبىمەن ۇتتى. ءۇش كەزدەسۋدە اتىراۋلىق سپورتشىلار انۋار ساريەۆ، داۋلەت تەمىرجان جانە جانبوتا امانجولوۆ ءوز قارسىلاستارىنان باسىم ءتۇستى»، - دەيدى وبلىستىق سپورت باسقارماسىنىڭ باسپا ءسوز حاتشىسى ءىلياس شايحيەۆ.

ال ءۇشىنشى ورىندى وڭتۇستىك كورەيا مەن جاپونيا ەلدەرى ءبولىستى.

ايتا كەتۋ كەرەك، قۇراماداعى 12 سپورتشىنىڭ سەگىزى - اتىراۋلىق.