قازاقستاندىق م م ا شەبەرى ماريا اگاپوۆا امەريكالىق قارسىلاسىن جەڭدى

نۇر-سۇلتان. قازاقپارات - قازاقستاندىق م م ا شەبەرى ماريا اگاپوۆا Invicta FС پروموۋشەنىمەن كەلىسىم اياسىندا ءبىرىنشى جەكپە-جەگىن وتكىزدى، دەپ حابارلايدى قازاقپارات Sports.kz كە سىلتەمە جاساپ.

م. اگاپوۆا كانزاس-سيتيدە (ا ق ش، كانزاس شتاتى) ارالاس جەكپە-جەك تۋرنيرى اياسىندا كۇش سىناستى. ول جەرگىلىكتى فايتەر الەكسا كوننەرسپەن ايقاستى. جەكپە-جەكتە ماريا ءبىرىنشى راۋندتا تۇنشىقتىرۋ ءتاسىلىن قولدانىپ، ۋاقىتىنان بۇرىن جەڭىسكە جەتتى. بۇل ونىڭ كاسىبي مانسابىنداعى سەگىزىنشى جەڭىسى. ول مانسابىندا تەك ءبىر رەت جەڭىلىس تاپسا، كوننەرس بەسىنشى رەت جەڭىلىپ قالدى.

ەسكە سالايىق، ماريا اگاپوۆا مۇنىڭ الدىنداعى ايقاستا امەريكالىق ترەيسي كورتەستەن (6-1) تورەشىلەردىڭ شەشىمىمەن جەڭىلگەن بولاتىن. بۇل ايقاستا UFC - ارالاس جەكپە-جەكتەن الەمدەگى ءىرى پروموۋشنمەن كەلىسىم باسكە قويىلعان ەدى.