+7 (701) 759 90 19
-19 °С : نۇر-سۇلتان
-4 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

تۇركيانىڭ الەمگە «قاقپاسى» اشىلماق - شەتەلدەگى قازاق ءتىلدى ب ا ق- قا شولۋ

7 قىركۇيەك 12:05
:ءبولىسۋ
تۇركيانىڭ الەمگە «قاقپاسى» اشىلماق - شەتەلدەگى قازاق ءتىلدى ب ا ق- قا شولۋ

نۇر-سۇلتان. قازاقپارات - «قازاقپارات» ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

قىتايلىق ج و و- ى ادام ءجۇزىن تانيتىن اپپاراتتىڭ پايداسىن كورۋدە - «جەنمين جيباو» (People Daily)



قىتايدىڭ شيان قالاسىنداعى باتىس سولتۇستىك ونەركاسىپ ۋنيۆەرسيتەتى ادام ءجۇزىن جازباي تانيتىن اپپاراتتىڭ پايداسىن كورۋدە، دەپ جازادى «جەنمين جيباو» اقپاراتتىق پورتالى.


قىتايلىق ب ا ق- تىڭ مالىمەتىنشە، جاڭا وقۋ ماۋسىمى باستالىسىمەن، شيانداعى باتىس سولتۇستىك ونەركاسىپ ۋنيۆەرسيتەتىندە ادام كەلبەتى تانيتىن اپپارات كەڭ كولەمدە قولدانىلا باستاعان. اتالعان زاماناۋي قۇرىلعى ج و و- ىڭ جاتاقحانالارى، كىتاپحانالارى، ءماجىلىس زالدارى، اكىمشىلىك كەڭسە عيماراتى قاتارلى 30 نەشە نىساندى قامتىعان.


بۇل زاماناۋي اپپارات وقىتۋشىلار مەن ستۋدەنتتەردىڭ تۇرمىسىنا وتە قولايلى بولىپ، ۋنيۆەرسيتەتتىڭ قاۋىپسىزدىكتى باسقارۋ جۇمىسىن دا بارىنشا جەڭىلدەتكەن.


يران مەن قازاقستان ءوزارا قارىم-قاتىناستى دامىتۋ قاجەتتىگىن قۋاتتاۋدا - «فارس» اقپارات اگەنتتىگى


يران يسلام كەڭەسى ءماجىلىسى ءتوراعاسىنىڭ حالىقارالىق ىستەر جونىندەگى ارنايى كومەكشىسى مەن قازاقستاننىڭ يرانداعى ەلشىسى اسقات ورازباي قوس تاراپتىڭ ءتيىمدى پارلامەنتارالىق قارىم-قاتىناسىنا ريزاشىلىق ءبىلدىرىپ، ەكى ەلدىڭ بايلانىستارىن جان-جاقتى دامىتۋ قاجەتتىگىن قۋاتتادى.

بۇل تۋرالى وسى اپتادا parstoday اقپارات اگەنتتىگى حابارلايدى.

حوسەين امير ابدۋللاحيان اسقات ورازبايمەن كەزدەسۋىندە ەكى ەلدىڭ قارىم-قاتىناسىنا توقتالدى. «يران مەن قازاقستاننىڭ الەۋەتتەرىن ءارتۇرلى سالالاردا قارىم-قاتىناستى ودان ارى نىعايتۋ ءۇشىن پايدالانۋ كەرەك»، - دەدى حوسەين امير ابدۋللاحيان.

امير ابدۋللاحيان ەۋرازيا ەكونوميكالىق وداعىنا مۇشە ەلدەر پارلامەنتتەرىنىڭ وتىرىسىن وتكىزۋدى ماڭىزدى دەپ اتاپ وتكەن. «ەلدەر اراسىنداعى بايلانىستاردى دامىتۋدا پارلامەنتتەردىڭ ديپلوماتيالىق ءرولى ايتارلىقتاي»، - دەدى يران يسلام كەڭەسى ءماجىلىسى ءتوراعاسىنىڭ حالىقارالىق ىستەر جونىندەگى ارنايى كومەكشىسى.

يرانداعى قازاقستان ەلشىسى دە وسى كەزدەسۋدە ەكى ەلدىڭ قارىم-قاتىناسىن وڭدى دەپ باعالاپ، بايلانىستاردى جان-جاقتى دامىتۋ قاجەتتىگىن قۋاتتادى. ا. ورازباي، سونداي-اق، ءوزارا ەكونوميكالىق قاتىناستى كەڭەيتۋ ءۇشىن يراندىق جانە قازاقستاندىق ىسكەرلەردىڭ بايلانىستارىن جەڭىلدەتۋ قاجەتتىگىن ايتتى.

«التىن ادام» انكاراعا بارادى - TRT


ساق جاۋىنگەرىنىڭ ساۋىتى انادولى وركەنيەتتەر مۇراجايىنا قويىلادى. قازاقستاندا 50 جىل بۇرىن تابىلعان «التىن ادام» انكارادا كورمەگە قويىلادى، دەپ حابارلايدى تۇركيا راديو تەلەۆيزيا پورتالى.

«قازاقستان وكىلەتتى ەلشىلىگىنەن الىنعان مالىمەتكە قاراعاندا، ءبىزدىڭ داۋىرىمىزدەن بۇرىنعى 5- عاسىردان قالعان، «التىن ادام» دەپ اتالىپ كەتكەن ساق جاۋىنگەرىنىڭ ساۋىتى انادولى وركەنيەتتەر مۇراجايىنا قويىلادى. قازاقستان ۇلتتىق مۇراجايىندا ساقتالعان «التىن ادام» بۇدان بۇرىن بەلارۋس، ازەربايجان، رەسەي، قىتاي، پولشا جانە وڭتۇستىك كورەيادا كورمەگە قويىلدى» دەپ جازادى تۇركيالىق ب ا ق.

اباي ولەڭدەرى يراننىڭ شيراز قالاسىندا وقىلدى - «فارس» اقپارات اگەنتتىگى


قازاقتىڭ باس اقىنى اباي قۇنانباي ۇلىنىڭ 175 جىلدىعىنا وراي باستالعان ۇلى اقىن ولەڭدەرىن جاتقا وقۋ ەستافەتاسى يراننىڭ شيراز قالاسىندا جالعاسىن تاپتى، دەپ حابارلايدى parstoday اقپارات اگەنتتىگى.

اتالعان اقپارات كوزىنىڭ مالىمەتىنشە، قازاقستاندىق زەينەتكەر، قازاق ءتىلى مەن ادەبيەتىنىڭ ۇستازى مايرا نۇرماقوۆا بۇل جولعى شەتەلدىك ساپارىندا اباي ولەڭدەرىن دارىپتەۋدى قولعا العان ەكەن. مايرا حانىم بۇل ەستافەتاسىن زيارات ەتە بارعان پارسى شايىرلارى حافيز جانە ساعديمەن اباي ولەڭدەرىن سايكەستىرە وقىدى.


«باتىس قازاقستان وبلىسىنىڭ ورال قالاسىنان يرانعا تۋريستىك ساپارمەن كەلگەن زەينەتكەر ۇستاز مايرا نۇرماقوۆا شيراز قالاسىنا ساپارى بارىسىندا پارسى پوەزياسىنىڭ ايگىلى شايىرلارى حافيز بەن ساعديدىڭ كەسەنەلەرىنە زيارات ەتكەن. سونداي-اق، وسى جەردە قازاقستاندىق تۋريست قازاقتىڭ ۇلى اقىنى ابايدىڭ «سەگىز اياق» جانە «عىلىم تاپپاي ماقتانبا» سىندى تانىمال ولەڭدەرىن جاتقا وقىپ، ەستافەتانى جالعاستىرعان» دەپ جازادى parstoday.com.

تۇركيانىڭ الەمگە «قاقپاسى» اشىلماق - TRT


انكارا بەشتەپەدە قۇرىلىسى جالعاسىپ جاتقان پرەزيدەنتتىك كىتاپحانا قۇرىلىسى اياقتالىپ قالدى. كىتاپحانا كەلەسى ايدا پرەزيدەنت رەجەپ تايىپ ەردوعاننىڭ قاتىسۋىمەن اشىلادى، دەپ جازادى تۇركيا راديو تەلەۆيزيا پورتالى.

اتالعان ب ا ق- تىڭ مالىمەتىنشە، 24 ساعات قىزمەت بەرەتىن كىتاپحانادا بالالار ءۇشىن ارنايى ءبولىم بولادى. 1 جارىم ميلليون باسپا تۋىندى، 500 مىڭ مەرزىمدى باسىلىم، 5 ميلليون كىتاپتان قۇرالعان تۇركيانىڭ ەڭ ءىرى كىتاپحاناسى جاقىندا اشىلادى. پرەزيدەنتتىك اپپاراتتىڭ باسپا ءسوز حاتشىسى يبراحيم كالىن بۇل كىتاپحانا تۇركيانىڭ الەمگە اشىلعان قاقپاسى ەكەنىن ايتقان.

«پرەزيدەنتتىك كىتاپحانا ءارى ءبىزدىڭ ءىلىم، مادەنيەت، ونەر مۇرامىزدى كورسەتەدى، ءارى الەمنىڭ الدىڭعى قاتارلى مادەنيەت پەن وركەنيەتتەرىنىڭ نەگىزگى باسىلىمدارىن قامتيدى دەپ جوسپارلانۋدا. وسى ماعىنادا تۇركيانىڭ الەمگە اشىلعان قاقپاسى بولادى. وقىرماندار سورەدەن قالاعان كىتابىن الىپ وقي الادى. سونداي-اق، كىتاپتارعا، باسىلىمدارعا، گازەت-جۋرنالدارعا ەلەكتروندىق پلاتفورمادا قول جەتكىزۋگە بولادى»، دەيدى يبراحيم كالىن.

وزبەكستاندا ءومىر بويى جالاقى الاتىن سپورتشىلار سانى قانشا؟ - «ءو ز ا» اقپاراتتىق اگەنتتىگى


وزبەكستان رەسپۋبليكاسى پرەزيدەنتىنىڭ 2017-جىلعى 10- تامىزداعى «بەدەلدى حالىقارالىق سپورت جارىستارىندا جوعارى ناتيجەلەرگە قول جەتكىزگەن وزبەكستاندىق سپورتشىلاردى قوعامدىق جانە سپورتتىق ءىس-شارالارعا كەڭىنەن تارتۋ جانە سپورتشىلار مەن ولاردىڭ جاتتىقتىرۋشىلارىن كوتەرمەلەۋ تۋرالى» جارلىعىنا سايكەس وليمپيادا جانە پاراليمپيادا ويىندارى جەڭىمپازدارى مەن جۇلدەگەرلەرىنە ءومىر بويى ايلىق جالاقى تولەنەدى.

بۇل تۋرالى وسى اپتادا وزبەكستاننىڭ «ءو ز ا» مەملەكەتتىك اقپاراتتىق اگەنتتىگى حابارلادى.

قازىرگى كۇندە مۇنداي جالاقى الاتىن وليمپيادا جانە پاراليمپيادا ويىندارى جەڭىمپازدارى جانە جۇلدەگەرلەرىنىڭ سانى وزبەكستاندا 57 سپورتشىنى قۇرايدى.

وزبەك باسىلىمى بۇنداي مارتەبەلى اتاقتان سپورتشىلار قانداي جاعدايدا شىعارىلاتىنىن جازعان.

«ەگەر سپورتشى وزبەكستان رەسپۋبليكاسىنىڭ ازاماتتىعىنان شىقسا نەمەسە باسقا ەلدىڭ اتىنان جارىسقا قاتىسسا، بۇكىل الەم انتيدوپينگ ۇيىمى تاراپىنان تىيىم سالىنعان پرەپاراتتار قولدانعانى انىقتالىپ، وليمپيادا جانە پاراليمپيادا جەڭىمپازدىعى جۇلدەلەرى الىپ قويىلسا، سوت شەشىمىمەن ءومىر بويىنا باس بوستاندىعىنان ايىرىلسا ياكي ءولىم قۇشسا، ونداي جاعدايدا ءومىر باقي ايلىق تولەم بەرۋ ءتىزىمى توقتاتىلادى»، - دەپ جازادى وزبەكستاندىق ب ا ق.

«ءومىر بويى ايلىق جالاقى الاتىن سپورتشىلارعا، حالىقارالىق سپورت جارىستارىندا العان جۇلدەسىنىڭ دارەجەسىنە بايلانىستى جالاقى بەرىلەدى. التىن مەدال ءۇشىن - ەڭ تومەنگى جالاقىنىڭ 10 ەسەلەنگەن مولشەرى؛ كۇمىس مەدال ءۇشىن - ەڭ تومەنگى جالاقىنىڭ 5 ەسەلەنگەن مولشەرى؛ قولا مەدال ءۇشىن - ەڭ تومەنگى جالاقىنىڭ 5 ەسەلەنگەن مولشەرىندە ايلىق جالاقى تولەنەدى»، دەپ تۇيىندەيدى uza.uz.

اۆتور: بەيسەن سۇلتان


باستى سوزدەر: قوعام, وتانداستار,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات