+7 (701) 759 90 19 Лента
18 °С : نۇر-سۇلتان
27 °С : الماتى
USD 386.70 EUR 427.15
RUB 6.06 CNY 54.57
جاڭالىقتار

اقمولا وبلىسىندا ۇزدىك جىرشى- تەرمەشىلەر انىقتالدى

6 قىركۇيەك 18:49
:ءبولىسۋ
اقمولا وبلىسىندا ۇزدىك جىرشى- تەرمەشىلەر انىقتالدى

كوكشەتاۋ. قازاقپارات - كوكشەتاۋدا «تەكتى ءسوزدىڭ تورەسى - تەرمە» اتتى جىرشى- تەرمەشىلەردىڭ وبلىستىق بايقاۋى ءوتىپ، ۇزدىكتەرى ماراپاتتالدى، دەپ حابارلايدى قازاقپارات ءتىلشىسى.

«رۋحاني جاڭعىرۋ» باعدارلاماسى مەن تىلدەر مەرەكەسى اياسىندا ۇيىمداستىرىلعان بايقاۋعا اقمولا وبلىسىنىڭ ءار وڭىرىنەن جينالعان 16-35 جاس ارالىعىنداعى 13 جىرشى- تەرمەشى قاتىسىپ، باق سىنادى. قاتىسۋشىلار بيىلعى جاستار جىلىنا جانە سۇگىر جىراۋ بەگەندىك ۇلىنىڭ 125 جىلدىق مەرەيتويىنا وراي تاقىرىپتىق باعىتتارداعى شىعارمالاردى ورىندادى.

جينالعاندار الدىندا قۇتتىقتاۋ ءسوز سويلەگەن اقمولا وبلىسى اكىمىنىڭ ورىنباسارى اينا ءمىسىرالىموۆا ۇلتتىق تاربيە مەن حالىقتىق ونەردى ناسيحاتتاۋعا باعىتتالعان بايقاۋدىڭ ماڭىزدىلىعىنا توقتالدى.

«جىر- تەرمە جانرىنىڭ قازاق ونەرىندەگى ورنى ەرەكشە. ەلباسى نۇرسۇلتان نازاربايەۆ «ۇلى دالانىڭ جەتى قىرى» ماقالاسىندا ۇلى دالانىڭ حالىق اۋىز ادەبيەتى تۋىندىلارىن كەڭىنەن ناسيحاتتاۋ، جىرشىلار مەن تەرمەشىلەردىڭ باي مۇرالارىن ەلگە تانىتۋ، دامىتۋ كەرەكتىگىن تىلگە تيەك ەتتى. قانى قازاق، جانى قازاق ادامنىڭ تەرمە تىڭداماۋى مۇمكىن ەمەس، سوندىقتان قازاقستاندىقتاردىڭ تىلدىك مادەنيەتىن جەتىلدىرۋگە باعىتتالعان وسىنداي شارالار ارقىلى تاعىلىمعا تولى تاربيە بەرەتىن تەرمە جانرىن وڭىرىمىزدە دامىتىپ، جاس تەرمەشىلەردى ناسيحاتتايمىز. تەرمە- تولعاۋ - قازىنالى قازاق تاريحىنان سىر شەرتىپ، زامانا بولمىسىن ايقىنداپ، تاربيە بەرەدى. كەزىندە مايلىقوجا، شال اقىن، ءيمانجۇسىپ تەرمەلەرىنىڭ ەل جادىندا جاڭعىرىپ، بۇگىنگى كۇنگە دەيىن ساقتالۋىنىڭ سىرى دا وسىندا. قازىرگى كەزدە تەرمەشىلىك ونەردىڭ كەڭ قۇلاش جايۋىنا تەلەديدار مەن راديو ارقىلى بەرىلەتىن حابارلاردىڭ جانە كوپتەگەن بايقاۋلاردىڭ وتكىزىلۋى زور مۇمكىندىك تۋعىزىپ وتىر. وڭىرىمىزدە جىر جانە تەرمە ونەرىندە تانىلىپ جۇرگەن ءداستۇرلى انشىلەرىمىز دە ءوز كورەرمەندەرىن قۋانتۋدا» ، - دەدى اينا ءمىسىرالىموۆا.

بيسارا ماكەنوۆا، قايرات بەشىموۆ، ءنازيرا بەيسەنوۆا سىندى وڭىرگە بەلگىلى ازاماتتاردان قۇرىلعان قازىلار القاسى تەرمەشىلەردى انشىلىك شەبەرلىگىنە، تاڭداعان تۋىندىسىنىڭ مازمۇندىلىعىنا، ساحنا مادەنيەتىن ۇستاۋىنا قاراپ باعا بەردى.

ساحنا تورىنە ءبىرىنشى بولىپ شىققان سەلينوگراد اۋدانىنىڭ ۇكىلەپ قوسقان ءۇمىتى ەلبول قۋانبەك «بايلاۋى بەكەم بەس عاسىر» تەرمەسىن ورىنداپ كورەرمەندەردى ءبىر جەلپىنتىپ تاستاسا، بولاتبەك ورازبايەۆتىڭ «تاۋەلسىزدىك تولعاۋىن» ورىنداعان ارشالىلىق ءنۇرالى ەسحاتتىڭ ونەرىنە جۇرت قوشەمەت كورسەتتى.

دەگەنمەن، كىلەڭ مىقتىلار جينالعان سايىستا باعى مەن بابى قاتار شاپقان اقكول اۋدانىنىڭ ۇكىلەگەن ءۇمىتى ازامات قايىروۆ ءۇشىنشى ورىن، تسەلينوگراد اۋدانىنىڭ وكىلى داۋرەن ىسقاق ەكىنشى ورىن، ال، كوكشەتاۋلىق ءالبولسىن تاڭنۇر ءبىرىنشى ورىنعا لايىق دەپ تانىلدى. جەڭىمپازدار اقشالاي سىيلىقتارمەن ماراپاتتالدى.



باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات