ەلوردادا دەلفيناري اشىلدى

None
None
نۇر- سۇلتان. قازاقپارات - «Mega Silk Way» ساۋدا جانە ويىن- ساۋىق ورتالىعىنداعى Happylon Park-تە دەلفيندەر شوۋىن پاش ەتەتىن دەلفيناري اشىلدى، دەپ حابارلايدى قازاقپارات ءتىلشىسى.

بۇگىن ورتالىق ازياداعى ەڭ ءىرى سانالاتىن ەلورداداعى دەلفينارييدە قايىرىمدىلىق شوۋى وتكىزىلدى. العاشقى شوۋ نۇر- سۇلتان قالاسى اكىمدىگىنىڭ مۇرىندىق بولۋىمەن بالالار ءۇيىنىڭ تاربيەلەنۋشىلەرى ءۇشىن تەگىن ۇيىمداستىرىلعان. «كاريب تەڭىزىنىڭ قاراقشىلارى» فيلمى جەلىسىمەن تۇسىرىلگەن شوۋدا اكتەرلار مەن دەلفيندەر بالالارعا قۋانىش سىيلاپ، جاس دوستاردىڭ قوشەمەتىنە يە بولدى. ورتاعا شىققان دجەك قاراقشى دەلفيندەرمەن ءتۇرلى ەلەمەنتتەگى ونەردى پاش ەتتى.

 Happylon Park تەگى دەلفيناريدىڭ باسقارۋشىسى ءلاززات تۇرسىنبايەۆانىڭ ايتۋىنا قاراعاندا، دەلفيناريگە 400 ورىندىق زال ەنەدى. دەلفيناريدە تۇراقتى اكتەر رەتىندە ەكى دەلفين دي- دي مەن زيەۆس، سونداي- اق روككي تەڭىز مىسىعى ونەر كورسەتەدى.


«ءبىز بۇگىن 400 بالا ءۇشىن قايىرىمدىلىق شوۋىن ۇيىمداستىرىپ جاتىرمىز. نەگىزى بۇل جوبا ەكسپو اياسىندا جاسالعان. بۇل دەلفيناريدى ءبىرىنشى رەت رەسەيدەن اكتەرلار 4 دەلفين، 2 تەڭىز مىسىعىن اكەلىپ، ءبىر جىلدىق كەلىسىمشارت بويىنشا كونسەرتىن بەرىپ كەتكەن بولاتىن. سول كەزدە دە ەڭ الدىمەن قايىرىمدىلىق شوۋ وتكىزگەنبىز. بۇگىن سول داستۇردەن اتتاماي، بالالاردى قۋانتۋدى ءجون كوردىك. ءار بالانىڭ ارمانى - دەلفيندى ءبىر كورۋ. كوپبالالى انالاردىڭ بالالارىن، اكەسى نەمەسە شەشەسى جوق، ودان بولەك بالالار ۇيىنەن بالالار وسىندا كەلدى» ، - دەدى ءلاززات تۇرسىنبايەۆا.

 ونىڭ ايتۋىنشا، دۇنيەدە دەلفيندەردى بەلگىلى ءبىر ويىنعا ۇيرەتۋ مۇمكىن ەمەس. ال ەلورداعا اكەلىنگەن دەلفيندەر -  ءبىر كەزدەرى ۇيرەتىلگەن دەلفيندەردىڭ ءتولى.

«بۇل اكتەر دەلفيندەرىمىز بالالاردىڭ قوشەمەتىنە قۋانا- قۋانا ونەر كورسەتەدى. بىلايعى كۇندە دەلفيناريگە كىرۋ اقىلى بولادى. باعاسى 3-5 مىڭ ارالىعى» ، - دەيدى ول.

پاركتە دەلفيندەر ءۇشىن بارلىق جاعداي جاسالعان. ولارمەن تۇراقتى تۇردە جاتتىقتىرۋشىلار جۇمىس جۇرگىزەدى. باسسەين دە ءاردايىم تازارتىلىپ تۇرادى. سونىمەن بىرگە، سۋ تاعىلارىن 20 جىلدىق ءوتىلى بار ۆەتەرينار تۇراقتى تۇردە تەكسەرىپ تۇراتىن كورىنەدى.

سوڭعى جاڭالىقتار