ەلوردادان ءۇش شاقىرىم جەردە تابىلعان جاساندى سۋ ايدىنىندا شومىلۋعا بولمايدى
بۇل جايىندا ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ باسپا ءسوز حاتشىسى سامال يبرايەۆا Facebook-تەگى پاراقشاسىندا جازدى، دەپ حابارلايدى قازاقپارات ءتىلشىسى.
جاساندى سۋ ايدىنى نۇر- سۇلتان قالاسىنان 3 شاقىرىم قاشىقتىقتا، «نۇر- سۇلتان- كوكشەتاۋ» اينالما جولىندا ورنالاسقان.
نۇر- سۇلتان قالاسىنىڭ ەكولوگيا دەپارتامەنتىنىڭ ماماندارى سۋ ايدىنىنا قىركۇيەكتىڭ 4 ءى بارىپ قايتقان. دەپارتامەنتتىڭ زەرتحانالىق- ساراپتامالىق باقىلاۋ ءبولىمى سىناما الىپ، ناتيجەسىندە وتتەگىنىڭ حيميالىق شىعىنىنىڭ (و ح ش) كوپ مولشەردە بارى انىقتالعان.
«بۇل جەردە تەرەڭدىگى شامامەن 5-6 مەتردى قۇرايتىن قاراۋسىز جاتقان كارەر ورنالاسقان. سۋدىڭ تەرەڭدىگى شامامەن 1,5-2 مەتر. مۇندا بالىق پەن باسقا تىرشىلىك يەلەرىنىڭ تۇراقتى تىرشىلىك ەتۋى مۇمكىن ەمەس. سەبەبى بۇل جەردە مينەرالدار مەن ساز- بالشىق تىم كوپ.
«جوعارىدا اتالعان فاكتورلاردىڭ سەبەبىنەن رەزەرۆۋار فاۋنا ءۇشىن جارامسىز» ، - دەيدى نۇر- سۇلتان قالاسىنىڭ باس مەملەكەتتىك ەكولوگيالىق ينسپەكتورى جانبولات قايرانبەكوۆ.
كارەر 2013 -جىلدان باستاپ جۇمىس ىستەمەيدى. جاساندى سۋ ايدىنىنىڭ پايدا بولۋى دا سوندىقتان. جاساندى كارەردەن 3 شاقىرىم راديۋستا وندىرىستىك جانە تۇرعىن ءۇي نىساندارى جوق. سيليكات كىرپىشتىڭ قالدىقتارى دا تابىلمادى. اعىندى سۋلار رەزەرۆۋارعا توگىلمەيدى. الايدا قۇرىلىس قوقىستارىن رۇقساتسىز تاستاۋ دەرەكتەرى انىقتالدى.
«كاولين كارەرى كاولين دەگەن اق سازدىڭ ەرەكشە ءتۇرىن ءوندىرۋ ءۇشىن قۇرىلعان. بۇل سۋ ايدىنىندا شومىلۋعا بولمايدى. ويتكەنى مۇندا وندىرىلگەن كاولين وتە ۋلى ءارى ادام دەنساۋلىعىنا قاۋىپتى. سونداي- اق سۋ ايدىنىندا ادامنىڭ اياعىن تارتىپ اكەتەتىن ساز- بالشىق تا قاۋىپ تۋدىرادى. ال سۋعا كوگىلدىر ءتۇس بەرەتىن زات - مونموريللونيت (نونترونيت) . سۋدا بۇل ساز ەرىمەيدى، ءبىراق ول سۋدى بويايتىن جۇقا ءجۇزىننىڭ پايدا بولۋىنا سەپ بولادى. جاساندى سۋ ايدىنى جەراستى سۋمەن شايىلادى. ونداعى سۋدىڭ ۇنەمى كوگىلدىر بولاتىنىن دا سوندىقتان» ، - دەدى سامال يبرايەۆا.