+7 (701) 759 90 19
13 °С : نۇر-سۇلتان
31 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

وزبەكستاندا قانشا قازاق مەكتەبى بار

29 ماۋسىم 17:03
:ءبولىسۋ
وزبەكستاندا قانشا قازاق مەكتەبى بار

نۇر-سۇلتان. قازاقپارات - وزبەكستاندا ءبىلىم كۇنى تاۋەلسىزدىك مەرەكەسىمەن سايكەس كەلگەندىكتەن، مۇندا ساباق بىرەر كۇن كەش باستالادى.

بارلىق ءبىلىم ۇيالارىندا العاشقى قوڭىراۋ سوعىلىپ، التى ءجۇز مىڭ بالا العاش مەكتەپ تابالدىرىعىن اتتادى. جالپى كورشى ەلدە 9904 ءبىلىم ۇياسى بولسا، سونىڭ 376 سى - قازاق مەكتەبى. مۇنداعى ءبىلىم سالاسىندا قولعا الىنعان رەفورما اياسىندا جاڭا وقۋ جىلىنان باستاپ ۇستازداردىڭ ەڭبەك اقىسى كوتەرىلدى. تاشكەنتتىڭ ىرگەسىندەگى يسلاماباد اۋىلىنىڭ بالالارى ءۇشىن بيىلعى وقۋ جىلى ەرەكشە قۋانىشپەن باستالدى. ويتكەنى شاكىرتتەر جاڭا مەكتەپ تابالدىرىعىن اتتادى. بۇعان دەيىن كومپيۋتەرلىك تەحنولوگيالار كوللەدجى بولعان عيمارات «زاماناۋي مەكتەپ» مەملەكەتتىك باعدارلاماسىنىڭ نەگىزىندە قايتا جابدىقتالىپ، مەكتەپ بولىپ اشىلدى.

فاروعات شوديمەتوۆا، اتا- انا:

- بۇل مەكتەپ بىزگە كوپ مۇمكىندىك جاساپ بەردى. اتا- انالار بالاسىن مەكتەپكە تاسىپ، جۇمىسىنان قالاتىن. بالالار مەكتەپكە وزدەرى كەلىپ كەتەدى. الدىن ۇزاق مەكتەپتەرگە ماشينامەن تاسۋشى ەدىك. جۇمىستان سۇرانىپ، بالالاردى قايتار كەزدە تاسۋ دەگەن قاسىرەت بولاتىن. ەندى اۋىلدىڭ ىشىندە، نەمەرەلەرىمىزگە مەكتەپ اشىلدى. جالپى وزبەكستاندا پرەزيدەنت پارمەنىمەن ءبىلىم سالاسىن جەتىلدىرۋگە ارنالعان كەشەندى جوبا جاسالدى. ءتىپتى «مۇعالىمنىڭ مارتەبەسى تۋرالى» زاڭ قابىلداندى. سونىڭ ارقاسىندا ۇستازداردىڭ مارتەبەسى ارتىپ، جالاقىسى ءوستى. زەينەتكە شىققان مۇعالىمدەردىڭ ايلىعىمەن بىرگە زەينەتاقىسى تولىق تولەنەتىن بولدى. ۇستازدار قوسىمشا جۇمىسقا جەگىلۋمەن قاتار قاعازباستىلىقتان ارىلدى.

نيلۋفار اليموۆا، باستاۋىش سىنىپ وقىتۋشىسى:

- 1 «ا» سىنىبىندا ءبىرىنشى ءدارىسىمىزدى «تاۋەلسىزدىك - ەل تىرەگى» دەگەن تاقىرىپپەن باستادىق. جاستارعا وتان مەن تاۋەلسىزدىك ۇعىمىن ءبىرىنشى پرەزيدەنتىمىز تۋرالى كەڭىرەك تۇسىندىردىك. وقۋشىلارعا مەملەكەت باسشىسىنىڭ اتىنان كەرەمەت سىيلىقتار سومكە مەن وقۋلىقتار وقۋ قۇرالدارى تولىق تاپسىرىلدى. وزبەكستاندا 2025 -جىلعا دەيىن جالپى 40 مىڭعا جۋىق وقۋشى سياتىن 126 مەكتەپ سالىنباق. وسى كەزەڭ ارالىعىندا 704 مەكتەپتى قايتا جاڭعىرتۋ جوسپارلانعان.

سەرىكباي ۇسەنوۆ، قازاق ۇلتتىق مادەني ورتالىعىنىڭ ءتوراعاسى:

- قازاق كىتاپتارىن بارلىق مەكتەپتەرگە بەرىپ بولدىق. ەندى ادەبي كوركەم كىتاپتاردى دا مەكتەپتەرگە قازاق تىلىندە بەرىپ جاتىرمىز. قوڭسى مەملەكەت ۇقساستىقتارىن ايتا وتىرىپ، 2020 -جىلدا قازاقستاندا دا ۇستازداردىڭ ايلىقتارىن 25 پروتسەنتكە كوتەرىپ جاتقانى ءبىزدى قاتتى قۋانتتى. پرەزيدەنت جولداۋىندا پەداگوگتار قاۋىمىنا ەرەكشە كوڭىل ءبولىپ كەتتى. بۇل باستاما كورشى ەلدە دە ءوز جالعاسىن تاۋىپ جاتىر. وزبەكستاندا مۇعالىمدەردى مەرزىمدىك باسىلىمدارعا ماجبۇرلەپ جازدىرۋعا تىيىم سالىندى. وعان قوسا، بۇرىنعىداي قوعامدىق جۇمىستارعا دا جەگىلمەيدى.




www.24.kz



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات