+7 (701) 759 90 19 Лента
1
USD 386.70 EUR 427.15
RUB 6.06 CNY 54.57
جاڭالىقتار

شىمكەنتتىك وقۋشى الەمدە بالاماسى جوق قۇبىر تازالايتىن روبوت جاساپ شىعاردى

5 قىركۇيەك 17:47
:ءبولىسۋ
شىمكەنتتىك وقۋشى الەمدە بالاماسى جوق قۇبىر تازالايتىن روبوت جاساپ شىعاردى

شىمكەنت. قازاقپارات - شىمكەنت قالاسى فيزيكا- ماتەماتيكا باعىتىنداعى نازاربايەۆ زياتكەرلىك مەكتەبىنىڭ 12- سىنىپ وقۋشىسى قۋانىش مادەن ءوزى جاساعان «قۇبىر تازالاۋشى روبوت» جوباسىن پاتەنتتەپ الدى.

بۇل - ونىڭ 2 جىلدىق ەڭبەگى، دەپ حابارلايدى قازاقپارات مەكتەپتىڭ باسپا ءسوز قىزمەتىنە سىلتەمە جاساپ.

ول 2017 -جىلى ارنايى تەحنيكالىق رەفەرات جاساپ، روبوتتىڭ فورمۋلاسى مەن سحەمالارىن قۇرىپ، قۇجاتتارىن ۇلتتىق زياتكەرلىك مەنشىك ينستيتۋتىنا تاپسىرعان. ال بيىلعى جىلدىڭ تامىز ايىندا قۋانىشقا جوباسىنىڭ پاتەنتتەلگەنى جايلى قۋانىشتى حابار جەتتى. ەڭ قىزىعى، جاس ونەرتاپقىشقا قۇبىر تازالايتىن روبوتتى جاساۋ يدەياسى ساباققا كەشىككەن كەزدە كەلگەن.

«شىنىمەن، قۇبىر تازالايتىن روبوتتى قۇراستىرۋ يدەياسى ماعان كەنەتتەن كەلدى. 7-سىنىپتا عوي، مەكتەپكە بارا جاتقانمىن. ءبارى ادەتتەگىدەي، ۇيرەنشىكتى قالىپتا ەدى. ءبىراق ءدال سول كۇنى كولىك كەپتەلىسىنە تاپ بولىپ، ساباققا كەشىگىپ قالدىم. ونىڭ سەبەبى - قالامىزدىڭ باس كوشەسى قونايەۆ داڭعىلىندا قۇبىر جارىلعان ەدى. سول ۋاقىتتا وسى جوبامدى قولعا الۋ يدەياسى تۋىندادى» ، - دەيدى قۋانىش.



ونى جۇزەگە اسىرۋ ءۇشىن جاس ونەرتاپقىش ەكى جىل بويى روبوتوتەحنيكا ۇيىرمەسىندە تىنباي ەڭبەكتەندى. جوباسىن ول بولشەكتەپ جينادى. سوڭىندا قۋانىش دىتتەگەن ماقساتىنا جەتىپ، جۇمىسىنىڭ جەمىسىن كوردى. بۇگىندە ونىڭ روبوتىن كۇللى قازاقستان بىلەدى. ءتىپتى، شەتەلدىكتەر دە قۇبىر تازالاعىش روبوتتى تانيدى.

«جوبامدى قازىر كوبى بىلەدى. سەبەبى مەن ءبىراز جارىستارعا قاتىستىم. بۇل جۇمىسىم ماعان رەسپۋبليكالىك «3.2.1. ستارت» بايقاۋىندا 1 - ورىن جانە 1 ميلليون تەڭگە كولەمىندە قارجىلاي سىياقى، 60 مەملەكەتتىڭ اراسىندا وتكەن حالىحارالىق CASTIC-2019 جارىسىندا ينجەنەرلىك عىلىمدار ساناتىندا 2-ورىن الىپ بەردى. « ، - دەدى جاس عالىم.



2017 -جىلى «جاس ونەرتاپقىش» نوميناتسياسىن يەلەنگەن قۋانىش الداعى ۋاقىتتا امبەباپ قۇبىر تازالاعىش روبوتىن وندىرىسكە ەنگىزىپ، قازاقستاندىقتارعا پايداسىن تيگىزسە دەپ ارماندايدى. ول ءۇشىن جاسوسپىرىمگە قاراجات قاجەت. مۇنداي ءبىر قۇرىلعىنى جاساپ شىعارۋ ءۇشىن شامامەن 3-4 ميلليون تەڭگە كەتەدى.



باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات