جاستارعا ارنالعان باسپانانى الۋ ءۇشىن قانداي قۇجاتتار قاجەت
اكىمدىكتەر مەن بۇقارالىق اقپارات قۇرالدارىندا قۇجاتتاردى تاپسىرۋ مەرزىمى تۋرالى حابارلاندىرۋلار جاريالاعاننان كەيىن ۇمىتكەرلەر مىنا قۇجاتتاردى جاستار ساياساتى ماسەلەلەرى باسقارماسىنا تاپسىرۋ كەرەك:
- ءوتىنىش.
- جەكە كۋالىكتىڭ كوشىرمەسى
- ديپلومنىڭ كوشىرمەسى
- نەكە تۋرالى كۋالىكتىڭ كوشىرمەسى (بار بولعان جاعدايدا) .
- بالالاردىڭ تۋۋ تۋرالى كۋالىگىنىڭ كوشىرمەسى (بار بولعان جاعدايدا) .
- ءوتىنىش بەرۋشىدە جانە وتباسى مۇشەلەرىندە جىلجىمايتىن مۇلىكتىڭ جوقتىعى تۋرالى انىقتاما
- جۇمىس ورنىنان انىقتاما - سوڭعى 6-ايداعى كىرىستەر تۋرالى انىقتاما (كىرىسى كەمىندە 40 اەك نەمەسە 101 مىڭ تەڭگە بولۋى كەرەك) .
- ەڭبەك ءوتىلىن راستايتىن قۇجاتتار.
- بانكتىك شوت ءنومىرى تۋرالى انىقتاما
- بانك شوتىنداعى اقشا قاراجاتىنىڭ قالدىعى مەن قوزعالىسى تۋرالى ەسەپ.
- ءوتىنىش بەرۋشىنىڭ جەكە جەتىستىكتەرى تۋرالى قۇجاتتار (بار بولعان جاعدايدا) . قۇجاتتار بەس جۇمىس كۇنى ىشىندە تەكسەرىلۋى كەرەك. ەگەر ءوتىنىش بەرۋشىدەن بارلىق انىقتامالار جينالماسا، تاعى ءبىر كۇن بەرىلەدى. سودان كەيىن ون جۇمىس كۇنى ىشىندە اكىمدىك ۇپايلاردى ەسەپتەپ، تالاپكەرلەردىڭ ءتىزىمىن جاسايدى. نەعۇرلىم كوپ ۇپاي بولسا، پاتەر الۋ ىقتيمالدىعى سوعۇرلىم جوعارى بولادى.
ۇپايلار قالاي بەرىلەدى: ەگەر ءسىزدىڭ ماماندىعىڭىز «ەڭبەك» مەملەكەتتىك باعدارلاماسىنا سايكەس جۇمىسپەن قامتۋ جونىندەگى ۋاكىلەتتى ورگان بەكىتكەن 100 تانىمال ماماندىقتاردىڭ تىزىمىنە ەنگىزىلگەن بولسا - 10 ۇپاي؛ وتباسىنىڭ بولۋى ءۇشىن - 5 ۇپاي؛ ەگەر ءسىز جەكە كاسىپكەر رەتىندە كەمىندە ءبىر جىل جۇمىس ىستەسەڭىز - 5 ۇپاي، ودان كەينىگى ءار جىل ءۇشىن - 1 ۇپاي؛ تىركەلگەن نەكەدەگى ءار جىل ءۇشىن - 2 ۇپاي؛ ەگەر سىزدە ءبىر بالا بولسا - 1 ۇپاي، ودان كەيىنگى ءاربىر بالا ءۇشىن - 2 ۇپاي؛ ءارتۇرلى قىزمەت سالالارىندا جەكە جەتىستىكتەرى بار بولعان جاعدايدا - 2 ۇپاي؛ مەملەكەتتىك مەكەمەلەر مەن كاسىپورىندارداعى جۇمىس ءۇشىن - 5 ۇپاي، ءار قىزمەت جىلى ءۇشىن - 1 ۇپاي؛ دەپوزيت جيناقتاعانداعى ءار جىل ءۇشىن - 2 ۇپاي؛
تالاپكەرلەردىڭ ۇپايلارى تەڭ بولعان جاعدايدا، ءوتىنىشتى ەرتە بەرگەن ۇمىتكەرگە باسىمدىق بەرىلەدى. اكىمدىكتە باسپانا بەرۋ تۋرالى شەشىم قابىلدانعاننان كەيىن 15 كۇنتىزبەلىك كۇن ىشىندە ەڭبەك شارتى جاسالادى. پاتەرلەر ساتىپ الۋ قۇقىعىنسىز 5 جىلعا بەرىلەدى. ەسكە سالايىق، جىل سايىن نۇر- سۇلتان، الماتى جانە شىمكەنت قالالارىندا جۇمىس ىستەيتىن جاستارعا 3 مىڭ جالدامالى پاتەر بەرىلەدى. سونىمەن قاتار 2022 -جىلدان باستاپ مۇنداي تۇرعىن ۇيلەردىڭ قازاقستاننىڭ وزگە دە ايماقتارىندا بەرىلەتىنى بەلگىلى بولدى.
دايىنداعان: دينارا وسپان
www.24.kz