قاسىم- جومارت توقايەۆ «لۋكويل» كومپانياسىنىڭ پرەزيدەنتىمەن كەزدەستى

نۇر- سۇلتان. قازاقپارات -  مەملەكەت باسشىسى قاسىم- جومارت توقايەۆ رەسەيلىك «لۋكويل» مۇناي كومپانياسىنىڭ پرەزيدەنتىمەن كەزدەستى، دەپ حابارلايدى اقوردانىڭ باسپا ءسوز قىزمەتى.

كەزدەسۋ بارىسىندا ۆاگيت الەكپەروۆ قاسىم- جومارت توقايەۆقا كومپانيانىڭ قازاقستانداعى جۇزەگە اسىرىپ جاتقان جوبالارى تۋرالى ايتتى. ولار مۇناي- گاز سالاسىنداعى ءوزارا ىقپالداستىقتىڭ كەلەشەگىن تالقىلادى.

قازاقستان پرەزيدەنتى ەلىمىزدىڭ ەنەرگەتيكا سەكتورىن دامىتۋ ىسىندەگى «لۋكويل» كومپانياسىنىڭ ۇلەسىن جوعارى باعالادى.

- «لۋكويل» - ءبىزدىڭ ستراتەگيالىق ينۆەستيتسيالىق سەرىكتەسىمىز. قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆ ءسىزدىڭ كومپانيامەن اراداعى ىنتىماقتاستىقتى دامىتۋعا ەرەكشە ءمان بەردى. ءبىز ۇزاق ۋاقىتتان بەرى ءبىر- ءبىرىمىزدى بىلەمىز. سوندىقتان وسى جەمىستى ىنتىماقتاستىقتىڭ تابىستى بولاتىنى ءسوزسىز دەپ ويلايمىن، - دەدى مەملەكەت باسشىسى.