+7 (701) 759 90 19 Лента
16 °С : نۇر-سۇلتان
22 °С : الماتى
USD 386.70 EUR 427.15
RUB 6.06 CNY 54.57
جاڭالىقتار

مۇناي- گاز ءوندىرىسىن ارتتىرىپ، زاماناۋي مۇناي سەرۆيسى كلاستەرىن قۇرۋعا ءتيىسپىز - توقايەۆ

5 قىركۇيەك 16:48
:ءبولىسۋ
مۇناي- گاز ءوندىرىسىن ارتتىرىپ، زاماناۋي مۇناي سەرۆيسى كلاستەرىن قۇرۋعا ءتيىسپىز - توقايەۆ

اتىراۋ. قازاقپارات - مەملەكەت باسشىسى مۇناي- گاز سالاسىن دامىتۋ ماسەلەلەرى جونىندە كەڭەيتىلگەن كەڭەس وتكىزدى، دەپ حابارلايدى اقوردانىڭ باسپا ءسوز قىزمەتى.

قاسىم- جومارت توقايەۆ وتىن- ەنەرگەتيكا كەشەنىنىڭ قازاقستان ەكونوميكاسىندا ۇلكەن ءرول اتقاراتىنىن ايتتى. پرەزيدەنت مۇناي- گاز سالاسىن ودان ءارى دامىتۋدىڭ ماڭىزىن اتاپ ءوتىپ، ۇكىمەت پەن جەرگىلىكتى اتقارۋشى ورگانداردىڭ الدىنا ءبىرقاتار ناقتى مىندەتتەردى قويدى.

مەملەكەت باسشىسى قاشاعان، تەڭىز جانە قاراشىعاناق سياقتى كەن ورىندارىنا قاتىستى اۋقىمدى جوبالاردى ودان ءارى جۇزەگە اسىرۋ قاجەتتىگىنە توقتالدى. قاسىم- جومارت توقايەۆ قاشاعانداعى مۇناي ءوندىرۋ دەڭگەيىن جۇيەلى نەگىزدە ارتتىرۋ ماقساتىندا ۇكىمەتكە كونسورتسيۋمنىڭ مەردىگەر كومپانيالارىمەن بىرلەسىپ، قاشاعان كەن ورنىن تولىققاندى يگەرۋدىڭ جول كارتاسىن كەلىسۋدى تاپسىردى.



پرەزيدەنت ەلىمىزدىڭ باتىستاعى كەن ورىندارىنان رەسپۋبليكانىڭ وزگە وڭىرلەرىنە مۇناي تاسىمالداۋ ماسەلەسىنە ارنايى توقتالدى. ول «كەڭقياق- قۇمكول» مۇناي قۇبىرىن سالۋ جۇمىستارىن جىل سوڭىنا دەيىن اياقتاۋدى تاپسىردى. سونىمەن قاتار مەملەكەت باسشىسى وتاندىق نارىققا جەتكىزىلەتىن مۇنايدىڭ ازايۋ مۇمكىندىگىنە بايلانىستى الاڭداۋشىلىق ءبىلدىردى.

- ىشكى نارىقتى مۇنايمەن قامتاماسىز ەتۋ نەگىزىنەن اقتوبە جانە قىزىلوردا وبلىستارىنىڭ كەن ورىندارى ەسەبىنەن جۇزەگە اسىرىلىپ وتىر. وسى جاعدايدى ەسكەرسەك، وتاندىق مۇناي وڭدەۋ زاۋىتتارىندا وڭدەلەتىن مۇناي كولەمىنىڭ تومەندەۋ قاۋپى بار. رەسۋرستارىمىزدى بارىنشا ءتيىمدى جانە ۇتىمدى پايدالانۋ ماقساتىندا ۇكىمەت وسى ماسەلەنى پىسىقتاپ، ناقتى ۇسىنىستار ەنگىزۋى قاجەت، - دەدى پرەزيدەنت.

قاسىم- جومارت توقايەۆ مۇناي- گاز حيميا سالاسىنىڭ دامۋى ەكونوميكانى جاڭعىرتۋدىڭ ماڭىزدى باعىتى ەكەنىن اتادى.

- مۇناي- گاز حيميا سالاسى ەكونوميكانىڭ باسقا سالالارىنا مۋلتيپليكاتيۆتى ىقپال ەتەدى. الەمدە مۇناي- گاز حيميا سالاسىنداعى كومىرسۋتەك شيكىزاتىنىڭ قولدانىلۋ ۇلەسى %34، ال قازاقستاندا وتە از. پوليپروپيلەن مەن پوليەتيلەن ءوندىرۋ جونىندەگى جوبالاردىڭ ىسكە اسىرىلۋى جالپى ىشكى ءونىمنىڭ جىلدىق ءوسىمىن ورتاشا ەسەپپەن 1,5 پايىزعا جەتكىزۋگە مۇمكىندىك بەرەر ەدى، - دەپ سانايدى مەملەكەت باسشىسى.

قازاقستان پرەزيدەنتى گاز سالاسىن دامىتۋدىڭ باسىمدىعىن ارنايى اتاپ ءوتىپ، گاز قۇبىرى جۇيەسىن دامىتۋ ىسىندە جاقسى ناتيجەلەر بار ەكەنىن ايتتى. بۇل رەتتە، ول ۇكىمەتتىڭ نازارىن حالىقتى گازبەن قامتاماسىز ەتۋ قاجەتتىگىنە اۋداردى.

- ەلىمىزدى گازبەن قامتۋ دەڭگەيى 50 پايىزدى قۇرايدى. بۇل - 9 ميلليون حالىق دەگەن ءسوز. «سارىارقا» ماگيسترالدى گاز قۇبىرى قۇرىلىسىنىڭ جوباسىن ىسكە اسىرۋ ناتيجەسىندە ەلىمىزدىڭ قوسىمشا 2,7 ميلليون حالقى گازبەن قامتاماسىز ەتىلەدى، - دەدى قاسىم- جومارت توقايەۆ.

پرەزيدەنت قازاقستانداعى گەولوگيالىق بارلاۋ ماسەلەسىنە دە توقتالدى. ونىڭ ايتۋىنشا گەولوگيالىق بارلاۋ جۇمىستارىن كۇشەيتۋ ارقىلى مينەرالدى شيكىزات قورىن ساپالى تولىقتىرۋ كەرەك.

- ءبىز وسى سالاداعى زاڭنامانى جەتىلدىردىك. ەندى وسى باعىتتا ناقتى قادامدار جاساۋ كەرەك. ۇكىمەتكە 2020 -جىلدىڭ 1-ناۋرىزىنا دەيىن الەمدەگى مينەرالدىق- شيكىزات رەسۋرستارىنا سۇرانىستىڭ ۇزاق مەرزىمدى بولجامىن ەسكەرە وتىرىپ، گەولوگيالىق بارلاۋ باعدارلاماسىن ازىرلەۋدى تاپسىرامىن، - دەدى مەملەكەت باسشىسى.

قاسىم- جومارت توقايەۆ مۇناي سەرۆيسىنىڭ يندۋسترياسى ەكونوميكانى ءارتاراپتاندىرۋ جانە ءوسۋ درايۆەرلەرىنىڭ ءبىرى بولىپ تابىلادى. مەملەكەت باسشىسى بۇل ماسەلەدە مۇناي سەرۆيستەرىنەن تۇسەتىن تابىستىڭ كومىرسۋتەگى ەكسپورتى تابىسىنان اسىپ تۇسەتىن نورۆەگيانىڭ تاجىريبەسىن باسشىلىققا الۋدى ۇسىندى.

- مۇناي مەن گاز ءوندىرۋدى ارتتىرا وتىرىپ، ءبىز زاماناۋي مۇناي سەرۆيسى كلاستەرىن قۇرۋعا ءتيىسپىز. مۇناي سەرۆيسى وتاندىق شاعىن جانە ورتا بيزنەستى دامىتۋعا، ءونىمدى جۇمىس ورىندارىن اشۋعا، قوسىمشا قۇنى جوعارى وندىرىستەردى وقشاۋلاۋعا ايتارلىقتاي سەرپىن بەرەدى، - دەدى مەملەكەت باسشىسى.



سونىمەن قاتار پرەزيدەنت ەكولوگيانى قورعاۋ جانە تابيعي رەسۋرستاردى ءتيىمدى پايدالانۋ ماسەلەلەرىنىڭ ماڭىزدىلىعىن اتاپ ءوتتى. قاسىم- جومارت توقايەۆتىڭ پىكىرىنشە، زاماناۋي تەحنولوگيالاردى پايدالانۋ جانە ەسكىرگەن جابدىقتاردى جاڭارتۋ، زاتتاردىڭ شىعارىلاتىن زاتتاردى قىسقارتۋ، مۇناي مەن گازدىڭ اعىپ كەتۋىنىڭ الدىن الۋ قاجەت. مەملەكەت باسشىسى بۇل جۇمىستار بويىنشا مۇناي- گاز كومپانيالارىنىڭ اقپاراتتىق اشىقتىعىن جانە ولاردىڭ ەكولوگيالىق جاۋاپكەرشىلىگىن ارتتىرۋ باستى باسىمدىققا يە بولاتىنىن اتاپ ءوتتى.

كەڭەيتىلگەن كەڭەس بارىسىندا ەنەرگەتيكا ءمينيسترى قانات بوزىمبايەۆ، ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ، «سامۇرىق- قازىنا « ۇ ءا ق» اق باسقارما ءتوراعاسى احمەتجان ەسىموۆ، «لۋكويل» ااق رەسەي مۇناي- گاز كومپانياسىنىڭ پرەزيدەنتى ۆاگيت الەكپەروۆ، سونداي- اق «تەڭىزشيەۆرويل» ، «NCOC» جانە «قاراشىعاناق پەترولەۋم وپەرەيتينگ» كومپانيالارىنىڭ باسشىلارى بايانداما جاسادى.



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات