13:46, 05 - قىركۇيەك 2019 | GMT +6
سوتتالعان جاندار «كولەڭكەگە» كەتۋگە ءماجبۇر - مۇحتار تايجان
نۇر-سۇلتان. قازاقپارات - قوعام قايراتكەرى مۇحتار تايجان جازاسىن وتەگەن قازاقستاندىقتاردىڭ قۇقىعى شەكتەلىپ وتىرعانىن ءمالىم ەتتى، دەپ حابارلايدى قازاقپارات ءتىلشىسى.
بۇگىن وتكەن «اشىقتىق. ايقىندىق. سىبايلاس جەمقورلىققا قارسى ارەكەت» اتتى دوڭگەلەك ۇستەلدە قوعام قايراتكەرى مۇحتار تايجان جازاسىن وتەگەن جانداردىڭ ازاماتتىق قۇقىعى تاپتالىپ جاتقانىن ايتتى.
«جازاسىن وتەپ شىققان ادامدار 5-7 جىل جەكە سايكەستەندىرۋ ءنومىرىنسىز ءومىر سۇرۋگە ءماجبۇر. وسىنىڭ سالدارىنان نە سەنىمحات جازا المايدى، كولىگىن نەمەسە ءوزىن ساقتاندىرا المايدى. قولدانىستاعى زاڭناما ولاردى وسىلايشا زاڭداستىرىلماعان ورتاعا ىعىستىرىپ تاستاعان. ولار «كولەڭكەگە» كەتۋگە ءماجبۇر. جەكە سايكەستەندىرۋ ءنومىرى بولماعان سوڭ ولار زاڭدى جولمەن جۇمىسقا دا ورنالاسا المايدى. ءتىپتى تاكسيشى بولىپ تا جۇمىس ىستەۋگە قۇقىعى جوق. بۇل قازىرگى زاڭناماعا كەلىپ تىرەلەدى. زاڭنامادا وسى ولقىلىق ەسكەرىلىپ، تۇزەتىلۋى كەرەك»، - دەدى مۇحتار تايجان.
اۆتور: ەسىمجان ناقتىباي