الماتىدا ەليتالىق ۇيلەردىڭ يەلەرى سالىقتان نەگە جالتارىپ ءجۇر
بۇل تۋرالى مەدەۋ اۋداندىق مەملەكەتتىك كىرىستەر باسقارماسى ءمالىم ەتتى، دەپ حابارلايدى قازاقپارات ءتىلشىسى.
بۇل ۇيلەر مەدەۋ اۋدانىنداعى دوستىق، قىز-جىبەك، وڭداسىنوۆ، گورنايا، كوكتوبە، گورنىي گيگانت شاعىن اۋداندارىندا ورنالاسقان.
بۇگىندە ولاردىڭ سالىقتىق بەرەشەگى 34 ميلليون تەڭگەگە جەتتى.
ماسەلەن، قىز-جىبەك كوشەسىندە ورنالاسقان اۋماعى 750 شارشى مەتر بولاتىن قۇنى 95 ميلليون تەڭگە كوتتەدجدىڭ قوجايىنى 1,5 ميلليون تەڭگە سالىق تولەمەگەن.
«مۇنداي بورىشكەرلەر وتە كوپ. بۇل ىستەردىڭ كوپشىلىگى سوتقا باعىتتالدى.
ەگەر ولار قارىزدارىن كەلەر اپتانىڭ سوڭىنا دەيىن تولەمەگەن جاعدايدا، سالىق ورگاندارى ولاردىڭ اتتارىن ب ا ق ارقىلى جاريالاۋعا ءماجبۇر بولادى. بۇل تىزىمدە اتاقتى ادامدار بار. جەكە تۇلعانىڭ سالىقتىق بورىشى سالىق قۇپياسى بولىپ سانالمايدى. قازاقستاندا 13 -تامىزدان باستاپ سالىق راقىمشىلىعى باستالدى. نەگىزگى قارىز تولەنگەن جاعدايدا ۇستىندەگى ءوسىماقىسى كەشىرىلەدى»، - دەدى سالىق ورگاندارىنان.
اۆتور: گۇلميرا عوسمانالي