كوپبالالى وتباسىلاردىڭ ۇيلەرىندە ۋلى گازدەن قورعايتىن داتچيكتەر تەگىن ورناتىلدى

None
None
نۇر-سۇلتان. قازاقپارات - قاراعاندى وبلىسىنىڭ ت ج د قىزمەتكەرلەرى ازاماتتاردىڭ مۇلكىن ورتتەن قورعاۋ ءۇشىن قايىرىمدىلىق اكسياسىن ۇيىمداستىردى، دەپ حابارلايدى وبلىستىق اكىمدىكتىڭ باسپا ءسوز قىزمەتى.

كوپ بالالى وتباسىلاردىڭ ۇيلەرىندە ۋلى گاز داتچيكتەرى تەگىن ورناتىلادى. سونداي-اق، مۇمكىندىگى شەكتەۋلى ادامدار بار وتباسىلار دا نازاردان تىس قالعان جوق.

ۆەدومستۆونىڭ مالىمەتىنشە، جىل باسىنان بەرى وبلىس بويىنشا 828 ۋلى گاز داتچيگى ورناتىلعان. بۇل ورايدا ساران مەن اقتوعاي اۋدانىندا بەلسەندىلىك بايقالىپ وتىر.

جاڭا جىلىتۋ ماۋسىمى قارساڭىندا الدىن الۋ جۇمىستارى كۇشەيتىلۋدە. قىركۇيەكتىڭ العاشقى كۇندەرى ت ج د قىزمەتكەرلەرى كوپ بالالى وتباسى ۇيلەرىنە 24 داتچيك ورناتتى.

قۇتقارۋشىلار ەلەكتر قۇرالدارىن جانە پەشتى پايدالانۋ كەزىندەگى ءورت قاۋىپسىزدىگى ەرەجەلەرىن ساقتاۋ كەرەكتىگىن ەسكە سالادى:

- ەلەكتر سىمدارىنىڭ، سوندىرگىشتەر مەن روزەتكالاردىڭ جارامدىلىعىن قاداعالاۋ قاجەت.

- ەلەكتر جەلىسىنىڭ شامادان تىس جۇكتەلۋىنە جول بەرمەۋ، ال اقاۋى بار تۇرمىستىق قۇرالداردى الشاق الىپ تاستاۋ نەمەسە جوندەۋ.

- قولدان جاسالعان ەلەكتر جىلىتۋ قۇرالدارىن پايدالانباۋ.

- سۋىق كۇندەر باستالماس بۇرىن پەشتى تەكسەرۋ جانە تۇتىندىكتەردى تازالاۋ.

- پەشتى تەز تۇتاناتىن سۇيىقتىقتارمەن جىلىتپاۋ.

- ەگەر ۇيدەن ۇزاق ۋاقىتقا شىعۋدى جوسپارلاساڭىز، پەشتى ەكى ساعات بۇرىن ءوشىرۋ قاجەت.

سوڭعى جاڭالىقتار