+7 (701) 759 90 19 Лента
18 °С : نۇر-سۇلتان
27 °С : الماتى
USD 386.70 EUR 427.15
RUB 6.06 CNY 54.57
جاڭالىقتار

قىرعىزستان مەن ارمەنيادان كولىك اكەلۋ ءۇشىن كەدەندىك باجدى تولەۋ كەرەك

4 قىركۇيەك 15:49
:ءبولىسۋ
قىرعىزستان مەن ارمەنيادان كولىك اكەلۋ ءۇشىن كەدەندىك باجدى تولەۋ كەرەك

نۇر- سۇلتان. قازاقپارات - قىرعىزستان مەن ارمەنيادان اكەلىنگەن اۆتوكولىكتەر شەتەلدىك تاۋارلار بولىپ ەسەپتەلەدى جانە كەدەندىك باقىلاۋعا جاتادى، دەپ حابارلايدى قازاقپارات قارجى مينيسترلىگىنىڭ مەملەكەتتىك كىرىستەر كوميتەتىنە سىلتەمە جاساپ.

مەملەكەتتىك كىرىستەر كوميتەتىنىڭ مالىمەتىنشە، قازىرگى ۋاقىتتا حالىق جەكە پايدالانۋعا ارنالعان اۆتوموبيلدەردى اكەلۋگە بەلسەندى قىزۋشىلىق تانىتىپ وتىر. سۇراق كوبىنەسە ءۇشىنشى ەلدەردەن اكەلىنەتىن اۆتوموبيلدەر بويىنشا، سونداي- اق ەۋرازيالىق ەكونوميكالىق وداققا مۇشە ارمەنيا، بەلارۋس، رەسەي جانە قىرعىزستاننان اكەلىنەتىن اۆتوموبيلدەر بويىنشا قويىلادى.

«ءۇشىنشى ەلدەردەن اكەلىنەتىن اۆتوموبيلدەر، ياعني شەتەلدىك اۆتوموبيلدەردى ۋاقىتشا 1 جىلعا شەتەلدىك تۇلعالار ەشقانداي كەدەندىك تولەمدەردى تولەمەي اكەلە الادى. ەۋرازيالىق ەكونوميكالىق وداققا مۇشە مەملەكەتتەردىڭ تۇلعالارى شەتەلدىك اۆتوموبيلدەردى تەك كەدەندىك تولەمدەردى قامتاماسىز ەتكەن جاعدايدا ۋاقىتشا 1 جىلعا اكەلە الادى، بۇل دەگەنىمىز قارجىلىق كەپىل بولىپ تابىلادى» ، دەلىنگەن حابارلامادا.

كوميتەتتىڭ حابارلاۋىنشا، قازاقستان ازاماتتارى ەل اۋماعىنا 2014 -جىلعى 1 - قاڭتارعا دەيىن قىرعىزستاندا راسىمدەلگەن اۆتوموبيلدەردى جانە 2014 -جىلعى 10 - قازانعا دەيىن ارمەنيادا راسىمدەلگەن اۆتوموبيلدەردى عانا اكەلە الادى.

«قىرعىزستاندا 2014 -جىلعى 1 - قاڭتاردان باستاپ 2020 -جىلعى 1 - قاڭتارعا دەيىنگى كەزەڭدە؛ ارمەنيادا 2014 -جىلعى 10 - قازاننان باستاپ 2020 -جىلعى 1 - قاڭتارعا دەيىنگى كەزەڭدە راسىمدەلگەن اۆتوموبيلدەر شەتەلدىك تاۋارلار بولىپ تابىلادى جانە كەدەندىك باقىلاۋعا جاتادى. كورسەتىلگەن اۆتوموبيلدەردى قازاقستان اۋماعىنا تەك قىرعىزستاندا جانە ارمەنيادا تۇراقتى تۇراتىن تۇلعالار ۋاقىتشا اكەلە الادى» ، دەلىنگەن حابارلامادا.

كوميتەت قىرعىزستاندا جانە ارمەنيادا تۇراقتى تۇرمايتىن تۇلعالار اتالعان اۆتوموبيلدەردى قازاقستان رەسپۋبليكاسىنىڭ اۋماعىنا قانداي جاعدايدا اكەلە الاتىنىن ءتۇسىندىردى.

«جەكە پايدالانۋعا ارنالعان تاۋارلارعا بايلانىستى كەيبىر ماسەلەلەر تۋرالى» ەۋرازيالىق ەكونوميكالىق كوميسسيا كەڭەسىنىڭ 2017 -جىلعى 20 - جەلتوقسانداعى № 107 شەشىمنىڭ 2-قوسىمشاسىندا كورسەتىلگەن مولشەرلەمەلەر بويىنشا كەدەندىك باجدار، سالىقتار سومالارىنىڭ ايىرماسى مولشەرىندە كەدەندىك باجداردى، سالىقتاردى تولەگەننەن كەيىن ەلگە اۆتوموبيلدى اكەلە الادى. ال ارمەنيادان كولىك اكەلۋى بويىنشا 2023 -جىلعى 1 - قاڭتاردان كەيىن عانا، قىرعىزستاننان 2025 -جىلدىڭ 1 - قاڭتارىنان كەيىن كولىك اكەلە الادى» ، دەلىنگەن حابارلامادا.

كوميتەت ەلىمىزدە موڭعوليادان اكەلىنگەن جانە كەيىننەن قازاقستاننىڭ ىشكى ىستەر ورگاندارىندا تىركەۋ ەسەبىنە زاڭسىز قويىلعان اۆتوموبيلدەر بار ەكەنىندىگى اتاپ ءوتتى.

«وسىنداي اۆتوكولىك قۇرالدارى شەتەلدىك تاۋار بولىپ ەسەپتەلەدى جانە ولار بويىنشا ءتيىستى شارالار قابىلدانادى» ، دەپ ءمالىم ەتتى ۆەدومستۆوداعىلار.

مەملەكەتتىك كىرىستەر كوميتەتى اۆتوموبيل ساتىپ الاردا اۋماقتىق مەملەكەتتىك كىرىستەر ورگاندارىنا جۇگىنىپ، ءاۆتوموبيلدىڭ كەدەندىك تازارتۋدان وتكەندىگى جانە زاڭدى اكەلىنگەندىگىن تەكسەرىپ الۋعا كەڭەس بەرەدى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات