نۇر- سۇلتاندا ەكىنشى يندۋستريالىق پارك قۇرىلادى
بۇل تۋرالى ەلوردا اكىمى التاي كولگىنوۆ پرەزيدەنت جولداۋىن تالقىلاۋ بويىنشا قالا اكتيۆىنىڭ كەزدەسۋىندە مالىمدەدى.
«مەملەكەت باسشىسى ەل ەكونوميكاسىن دامىتۋ بويىنشا ءبىرقاتار تاپسىرما بەردى. نۇر- سۇلتان - قازاقستان ەكونوميكاسىنداعى كوشباسشى قالالاردىڭ ءبىرى. ەلوردانىڭ الەۋمەتتىك- ەكونوميكالىق دامۋىنداعى نەگىزگى كورسەكتىشتەردىڭ تۇراقتى ءوسىمى بايقالادى. دەگەنمەن، ارتتا قالىپ قويعان كورسەتكىشتەرمەن دە جۇمىس ىستەۋ كەرەك. العاشقى توقساندا جالپى وڭىرلىك ءونىم كولەمى 1,2 تريلليون تەڭگەنى قۇرادى. 7 ايدىڭ قورىتىندىسى بويىنشا، وندىرىستىك ءونىم كولەمى% 17,5، ونىڭ ىشىندە وڭدەلگەن ونىمدەر - %16 ارتقان. سونىمەن بىرگە، قۇرىلىس جۇمىستارىنىڭ كولەمى، باسپانا بەرۋ، نەگىزگى كاپيتالعا ينۆەستيتسيا تارتۋدا ارتتا قالىپ كەلەمىز. جىل سوڭىنا دەيىن وسى ماسەلەلەردى رەتتەۋ كەرەك» ، - دەدى ا. كولگىنوۆ.
ونىڭ ايتۋىنشا، «استانا - جاڭا قالا» ارنايى ەكونوميكالىق ايماعىن دامىتۋ مەن قولايلى بيزنەس احۋال قۇرۋ ەرەكشە ماڭىزدى. №2 يندۋستريالىق پاركتى قۇرۋ جۇمىستارى باستالىپ كەتتى.
«ءبىرىنشى پارك ءىس جۇزىندە تولدى. جاقىن ارادا ەكىنشى يندۋستريالىق پارككە 400 گەكتار جەر تەلىمىن ءبولۋ جونىندە اكىمدىك قاۋلىسى شىعادى. ونىڭ ورنى انىقتالعان» ، - دەدى اكىم.