ماسەلەنى رەتتەيمىز - رومان سكليار پرەزيدەنتتىڭ «ۇشاق بيلەتى قىمبات» دەگەن سىنى جايلى
«مەنىڭ ويىمشا، ءبىز بۇل ماسەلەنى رەتتەيمىز. الايدا حالىقارالىق تاجىريبە كورسەتىپ وتىرعانداي، ساپارىڭىزدى الدىن الا جوسپارلاپ، بيلەتتى ەرتەرەك ساتىپ العان ءجون. سول كەزدە بيلەت باعاسى دا تيىسىنشە ارزانعا تۇسەدى. ال ءبىز ساپار الدىندا بىرنەشە كۇن بۇرىن عانا بيلەتتى الساق، وندا البەتتە، بيلەت قىمباتىراق بولادى»، - دەدى رومان سكليار ۇكىمەت وتىرىسىنان كەيىن تىلشىلەردىڭ سۇراعىنا جاۋاپ بەرە وتىرىپ.
ءمينيستردىڭ ايتۋىنشا، قازىرگى تاڭدا ەنەرگەتيكا مينيسترلىگى 100 پايىز اۋە كومپانيالارىن اۆياكەروسينمەن قامتاماسىز ەتىپ وتىر.
«ءبىز اۆياكەروسيندى ەندى شەتەلدەن ساتىپ المايمىز. ءبىزدىڭ زاۋىتتار ونى جەتكىلىكتى دارەجەدە وندىرۋدە. باعانى رەتتەۋ جۇمىسى جاقىن ارادا شەشىمىن تابادى. ءبىزدىڭ ءىرى اۋە كومپانيالارى اۆياوتىندى تىكەلەي ترەيدەرلەردەن دەلدالسىز ساتىپ الادى. ال ءبىز ارقىلى وتەتىن ترانزيتتىك اۋە كومپانيالارى اۆياوتىندى اۋەجايلاردان ساتىپ الىپ جاتىر. مىنە، وسى رەتتە دەلدالداردىڭ سانى مەن باعاسى بويىنشا (...) ۇ ە م- مەن، تابيعي مونوپوليالاردى رەتتەۋ كوميتەتىمەن ءبىز بۇل ماسەلەمەن بەلسەندى تۇردە اينالىسامىز»، - دەدى رومان سكليار.
ەسكە سالا كەتسەك، قازاقستان حالقىنا كۇنى كەشە جولداۋىن جاريالاعان پرەزيدەنت قاسىم-جومارت توقايەۆ قازاقستاندا ۇشاق بيلەتىنىڭ قىمبات بولۋىنا قاتىستى سىن ايتقان بولاتىن.
«ماسەلەن، نەلىكتەن نەگىزگى اۆياتاسىمالداۋشىنىڭ اۆيابيلەتتەرى ەۋروپالىق باعاعا قاراعاندا 30 پايىزعا دەيىن قىمبات؟ ءبىزدىڭ اۋەجايلاردىڭ قىزمەت باعالارى نەلىكتەن جوعارى؟ نەگە شەتەلدىك اۋە تاسىمالداۋشىلارى ءۇشىن اۆياوتىن وتاندىق تاسىمالداۋشىلارعا قاراعاندا قىمباتقا ساتىلادى؟ وسىنىڭ سالدارىنان قازاقستاندىق اۆياتسيا سالاسى ءوزىنىڭ حالىقارالىق باسەكەگە قابىلەتىن جوعالتىپ، ەلدىڭ ترانزيتتىك الەۋەتى ازايىپ بارادى»، - دەدى مەملەكەت باسشىسى قازاقستان حالقىنا جولداۋىندا.