+7 (701) 759 90 19
-24 °С : نۇر-سۇلتان
-2 °С : الماتى
USD 387.37 EUR 428.55
RUB 6.06 CNY 55.06
جاڭالىقتار

استاناداعى جاڭا مەكتەپتە «اباي تانۋ» ءپانى وقىتىلادى

1 قىركۇيەك 15:31
:ءبولىسۋ
استاناداعى جاڭا مەكتەپتە «اباي تانۋ» ءپانى وقىتىلادى

نۇر-سۇلتان. قازاقپارات - يننوۆاتسيالىق ينتەللەكتۋالدى تەحنولوگيالار اكادەمياسىنىڭ باس ديرەكتورى نۇرالى قۇدايبەرگەنوۆ ەلوردادا اشىلعان اباي اتىنداعى 87№ مەكتەپ-گيمنازيادا «اباي تانۋ» ءپانىن وقىتۋدىڭ ەرەكشەلىكتەرىن ايتىپ بەردى، دەپ حابارلايدى قازاقپارات ءتىلشىسى.



«جاڭا وقۋ جىلىندا نۇر-سۇلتان قالاسىندا اباي قۇنانباي ۇلى اتىنداعى جاڭا مەكتەپ اشىلدى. بۇل، ەلوردادا ۇلى ويشىلدىڭ اتىمەن اتالعان تۇڭعىش مەكتەپ. سونىمەن قاتار، مەكتەپتە العاشقى كۇننەن باستاپ «اباي تانۋ» ينتەراكتيۆتى كابينەتى اشىلادى. سىنىپ مۇراجاي ۇلگىسىندە جاسالعان، سوندىقتان بالالار بىردەن اباي مۇراسىنا قانىعار دەگەن ۇمىتتەمىز»، - دەدى نۇرالى قۇدايبەرگەنوۆ اگەنتتىك تىلشىسىنە.


ول سونداي-اق ينتەراكتيۆتى كابينەتتە بالالار يننوۆاتسيالىق تەحنولوگيالار بويىنشا ءپاندى وقيتىنىن اتاپ ءوتتى.

«ءبىز «اباي تانۋ» اتتى بىرەگەي كەشەن ازىرلەدىك. ول زاماننىڭ تالاپتارىنا تولىعىمەن ساي كەلەدى. ياعني، كومپيۋتەرلەردىڭ، ينتەراكتيۆتى تاقتانىڭ كومەگىمەن بالالار اباي مۇراسىن تەرەڭ زەرتتەي الادى. سول جەردە حاكىمنىڭ بارلىق شىعارمالارى، ولەڭدەرى ەلەكتروندى تۇردە قولجەتىمدى بولادى. مىسالى، بالالار كۇردەلى سوزدەردىڭ ءمانىن سول جەردەن بىردەن تابا الادى. سونىمەن قاتار، وقۋشىلارعا ولەڭدەردى جاتقا وقۋعا، ءار ءماتىندى اجىراتۋعا ۇيرەتەدى. اباي شىعارمالارىمەن جۇمىستار بالالارعا ولاردى جاتتاپ الىپ قويماي، ويشىلدىڭ ەڭبەگىن تەرەڭ تانىپ بىلۋگە، ومىرلىك دانالىقتى مەڭگەرۋگە مۇمكىندىك بەرەدى»، - دەدى ن. قۇدايبەرگەنوۆ.


سونىمەن قاتار، اكادەميا باسشىسى مۇنداي سىنىپتار ەلىمىزدىڭ بارلىق مەكتەپتەرىندە ەنگىزىلەتىنىنە سەنىم ءبىلدىردى.

«اباي تانۋ» ينتەراكتيۆتى كابينەتتەرى بۇگىنگى كۇنى جۇمىسىن باستاپ كەتتى. ءبىز مۇنداي كابينەتتەردىڭ قازاقستاننىڭ بارلىق مەكتەپتەرىندە، اۋدان، وبلىس ورتالىقتارىندا بولعانىن قالايمىز. ابايدىڭ جاڭا تەحنولوگيالار بويىنشا ىلىمدەرى بار مەكتەپتەر كوپ بولعان سايىن بالالار رۋحاني- ادامگەرشىلىك تاربيەگە يە بولادى»، - دەدى ول.


«اباي تانۋ» ءپانىن فاكۋلتاتيۆتىك كۋرس رەتىندە 9-11- سىنىپ وقۋشىلارى وقيدى.


ينتەراكتيۆتى كابينەت ءبىرىنشى سىنىپ وقۋشىلارى ءۇشىن دە قولجەتىمدى. جالپى، بۇل كابينەتكە اباي مۇراسىن زەرتتەگىسى كەلەتىندەردىڭ ءبارى دە كىرە الادى.


سونداي-اق، سپيكەر جاڭا مەكتەپ ابايعا ارنالعان بارلىق ءىس-شارالاردى تارتۋ ورتالىعىنا اينالاتىنىن اتاپ ءوتتى. كەلەسى جىلى ويشىلدىڭ 175 جىلدىعىنا ارنالعان كوپتەگەن ءىس-شارالار ۇيىمداستىرىلادى.


«ابايدى تانۋ - تەرەڭ ءارى تۇراقتى پروتسەسس. كەلەسى جىلى ءبىز ۇلى اقىننىڭ 175 جىلدىعىن اتاپ وتەمىز. ابايدىڭ 175 جىلدىعى قازاقستان ءۇشىن ماڭىزدى داتاعا اينالايىن دەپ تۇر. ءبىز حاكىمنىڭ نەدەن جەرىنگەنىن، نەدەن عيبرات العانىن ۇعىنۋىمىز كەرەك. حاكىمدى تەرەڭ ءتۇسىنۋ ءۇشىن كوپتەگەن ابايتانۋشىلار ەڭبەك ەتتى. ابايدى قازاققا تانىتۋدا احمەت بايتۇرسىن ۇلىنىڭ، مۇحتار اۋەزوۆتىڭ، مەكەمتاس مىرزاحمەتوۆتىڭ ەڭبەگى زور»، - دەدى ول.


ەسكە سالا كەتسەك، ق ر پرەمەر-ءمينيسترى اسقار مامين نۇر-سۇلتاندا اباي قۇنانباي ۇلى اتىنداعى 87№ مەكتەپ-گيمنازيانىڭ اشىلۋ سالتاناتىنا قاتىسقان بولاتىن.










باستى سوزدەر: ءبىلىم جانە عىلىم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات