الماتى وبلىسىنداعى جارىلىس: اۋرۋحانادا تاعى ءبىر ادام كوز جۇمدى

تالدىقورعان. قازاقپارت - الماتى وبلىسىندا وندىرىستىك سەحتا بولعان جارىلىس سالدارىنان تاعى ءبىر ادام كوز جۇمدى.

زارداپ شەككەن 38 جاستاعى ەر ادام اۋرۋحانانىڭ جانساقتاۋ بولىمىندە جان تاپسىردى، دەپ حابارلايدى قازاقپارات ءتىلشىسى.

«وندىرىستىك سەحتا بولعان جارىلىس سالدارىنان زارداپ شەككەن 1981-جىلعى ازامات 31- تامىز كۇنى ساعات 20:20 دا اۋرۋحانانىڭ جانساقتاۋ بولىمىندە كوز جۇمدى. 1984-جىلعى تاعى ءبىر ناۋقاس تراۆماتولوگيا بولىمىنەن جانساقتاۋ بولىمىنە اۋىستىرىلدى. جاعدايى وتە اۋىر. ءبىراق ەسىن بىلەدى. كەشە اياعىنا وتا جاسالدى»، - دەدى الماتى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتىنىڭ حاتشىسى ءلايلىم اۋباكىروۆا.

ەسكە سالساق، 31- تامىز كۇنى قاراساي اۋدانىنىڭ رايىمبەك اۋىلىندا گازبەتوندى بلوك شىعاراتىن سەحتا جارىلىس بولدى. سالدارىنان سەح ءىشىنارا بۇزىلىپ، ءتۇتىن شىعاتىن قۇبىردىڭ ءبىر بولىگى جەكە تۇرعىن ءۇي سەكتورىنىڭ اۋماعىنا ۇشىپ تۇسكەن.

جارىلىس ورنىندا 1961-جىلعى ەر ادامنىڭ دەنەسى تابىلدى. اۋداندىق اۋرۋحاناعا ءارتۇرلى جاراقاتپەن ءۇش ادام جەتكىزىلگەن ەدى.