+7 (701) 759 90 19
-7 °С : نۇر-سۇلتان
14 °С : الماتى
USD 389.98 EUR 434.01
RUB 6.10 CNY 55.04
جاڭالىقتار

داۋرەن ابايەۆ: پەداگوگ ماماندىعى باسەكەگە قابىلەتسىز بولىپ بارادى

30 تامىز 10:22
:ءبولىسۋ
داۋرەن ابايەۆ: پەداگوگ ماماندىعى باسەكەگە قابىلەتسىز بولىپ بارادى

نۇر- سۇلتان. قازاقپارات - «حابار» ارناسىنداعى «اشىق ديالوگ» باعدارلاماسىندا ق ر اقپارات جانە قوعامدىق دامۋ ءمينيسترى داۋرەن ابايەۆ ءوزىنىڭ سىنىپ جەتەكشىلەرىن ەسكە الدى، دەپ حابارلايدى قازاقپارات ءتىلشىسى.

«ارينە، ءبىلىم بەرۋ ماسەلەسى ازاماتتار ءۇشىن ءارقاشان باسىم ماسەلە بولىپ سانالادى. ۇكىمەتتىڭ سوڭعى وتىرىسىندا ءبىز «پەداگوگ مارتەبەسى تۋرالى» زاڭ جوباسىمەن تانىستىق. ق ر ءبىلىم جانە عىلىم مينيسترلىگى ۇلكەن جۇمىس اتقارعانىن اتاپ وتكىم كەلەدى. ۇسىنىلىپ وتىرعان جاڭاشىلدىقتاردى مۇعالىمدەر دە، اتا- انالار دا، وقۋشىلار دا جاعىمدى قابىلدايتىنىنا سەنىمدىمىن»، - دەگەن مينيستر زاڭ جوباسىنىڭ ەڭ ماڭىزدى تۇستارىنا توقتالدى.

«سىنىپ جەتەكشىلىگى ءۇشىن ەكى ەسە اقى تولەنەتىن بولادى. سىنىپ جەتەكشىسى بولۋ جاي عانا ساباق بەرۋدەن الدەقايدا قيىن ەكەنىنە ءبارى كەلىسەدى دەپ ويلايمىن. بۇل - بالانى تاربيەلەۋ، ونىڭ بويىنا دۇرىس قۇندىلىقتار مەن ومىرلىك باعىتتار ءسىڭىرۋ، ەڭ قيىن جاعدايلاردا وقۋشىنىڭ قاسىنان تابىلىپ، وقۋشىنىڭ بارلىق كەمشىلىكتەرىنە مۇعالىمدى كىنالاۋعا دايىن تۇراتىن اتا- انامەن ۇدايى بايلانىستا بولۋ دەگەن ءسوز. ايتپاقشى، مەنىڭ سىنىپ جەتەكشىلەرىم بولعان ەركە حاناۋلەت قىزى مەن گۇلنار ءابدىرازاق قىزىنىڭ اتى- جوندەرى ءالى ەسىمدە»، - دەدى ۆەدوموستۆو باسشىسى.

داۋرەن ابايەۆ ۇستازدىق ماماندىقتىڭ قازىر باسەكەگە ساي بولماي تۇرعانىن دا اتاپ ءوتتى. «بارلىق پەداگوگتاردىڭ ەڭبەك دەمالىسى 56 كۇنگە كوبەيتىلدى. تاعى ءبىر ىنتالاندىراتىن دۇنيە - ماگيسترلىك ساناتى مەن تالىمگەرلىك ءۇشىن قوسىمشا اقى تولەنۋى. زاڭ جوباسىندا مۇعالىمدەردىڭ جۇكتەمەسىن ازايتۋ، ولاردىڭ ابىروي- بەدەلىن قورعاۋ قاراستىرىلعانى وتە ماڭىزدى. ۇستازدارعا بالاباقشا كەزەگىندە ءبىرىنشى بولۋ قۇقىعىن بەرۋ ۇسىنىلىپ وتىر. شارالار مۇنىمەن شەكتەلمەيدى. بۇل زاڭ جوباسى ءالى پارلامەنت قابىرعاسىندا تالقىلانادى. سوندىقتان قۇجاتتىڭ ءالى ءوز كۇشىن ارتتىرا تۇسەتىنىنە سەنىمدىمىن. ويتكەنى، پەداگوگ ماماندىعى باسەكەگە قابىلەتسىز بولىپ كەتكەنىن ءبارىمىز تۇسىنەمىز. ەڭبەكاقى تومەن، جۇكتەمە اۋىر، قاعازباستىلىق، وسىنىڭ ءبارى مەكتەپتەردە مىقتى مامانداردىڭ توقتاماۋىنا اكەلىپ جاتىر. تاپتاۋرىن بولىپ ەستىلسە دە ايتايىن، ۇلتىمىزدىڭ بولاشاعى - مۇعالىمدەردىڭ قولىندا. مۇحتار اۋەزوۆ: «ۇستاز - ۇلى ەسىم» دەپ ايتقانداي، ءبىلىم جانە عىلىم مينيسترلىگى دايىنداعان شارالار قازىرگى جاعدايدى جەتىلدىرەتىن ماڭىزدى قادام دەپ ويلايمىن»، - دەپ تۇيىندەدى داۋرەن ابايەۆ.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات