قارابايىر ويلاۋ شەڭبەرىنەن قالاي شىعۋعا بولادى

نۇر-سۇلتان. قازاقپارات - ارمانىڭىزداعى ءومىر قولجەتىمدى، ەگەر ىسكە كىرىسۋدىڭ جولىن بىلسەڭىز.

قاتەلىكتەر مەن قۇلدىراۋلاردان قورىقپاڭىز

كەيبىر ادامدار بىردەڭەدەن جولى بولماسا بولدى، ءوزىن بەيباقتار قاتارىنا جاتقىزا سالادى. ءوز- ءوزىڭدى سىيلاۋ جۇمىسپەن تىكەلەي بايلانىستى بولعاندا، كەز كەلگەن قاتەلىك بىلىكسىزدىگىڭنىڭ دالەلى رەتىندە قابىلدانادى. ءبىراق ءدال وسىلاي ويلاۋ قارابايىرلىق شەڭبەرىنەن شىعۋعا كەدەرگى. ەگەر ءسىز قۇلدىراۋعا دايىن بولماساڭىز، وندا ءسىز ءوز قاتەلىكتەرىڭىزدەن ساباق الا المايسىز جانە جاڭا ەشتەڭەگە ۇيرەنبەيسىز. ال ەگەر ۇيرەنبەسەڭىز، ءسىز ەشقاشان دامىمايسىز جانە وسپەيسىز.

«ەگەر ءسىز تەزىرەك جەتىستىككە جەتكىڭىز كەلسە، وندا ساتسىزدىكتەر جيىلىگىن ەسەلەۋىڭىز قاجەت. ساتتىلىك ساتسىزدىكتىڭ ارعى بەتىندە» دەگەن IBM-نىڭ تۇڭعىش پرەزيدەنتى توماس ۋوتسون.

ساتسىزدىكتەر بويسۇنۋعا ۇيرەتەدى. ولار مىنەزدى قالىپتاستىرادى جانە بارىنە تىم بايسالدى قاراماۋعا، ءوز قاتەلىكتەرىڭدى كۇلىپ قابىلداۋعا مۇمكىندىك بەرەدى.

ءاردايىم ءىلىم ۇيرەنىڭىز

كوپتەگەن ادام ءبىلىم الىپ، ءوزىن- ءوزى دامىتۋدىڭ ورنىنا بوس ۋاقىتىن ويىن- ساۋىققا جۇمسايدى. بۇنىڭ سەبەبى دە بار، ويتكەنى وقۋ قيىن. بىرەۋدەن كومەك سۇراۋ، ءاردايىم جەتىلىپ وتىرۋ، ساتسىزدىكتەرگە تاپ بولۋ - مۇنىڭ ءبارى وڭاي ەمەس.

قايتالاۋ قىزىق ەمەس جانە جالىقتىرادى، سوندىقتان ءبىر نارسەنى تولىق مەڭگەرەتىن ادام از. بىردەڭەنى ۇيرەنۋ وڭاي بولمايدى، ءبىراق ەسىڭىزدە بولسىن:

- كۇندەلىكتى، ءبىلىم الۋعا بولگەن ۋاقىتىڭىزدا، ميلليونداعان ادام قولىنا كىتاپ المايدى.

- ءار تاڭدا، ەرتەرەك ءىس تىندىرۋ ءۇشىن ويانساڭىز، باسقالار ۇيىقتاپ جاتادى.

- كۇندەلىكتى، العا ۇمتىلعانىڭىزدا، ميلليوندار بەرىلىپ جاتادى.

قالاعانىڭىزعا قول جەتكىزە الاتىنىڭىزعا سەنىڭىز

جۇرەگىنىڭ تۇبىندە، كوپتەگەن ادام ءوزىن تابىستى ەتەتىن قاسيەتتەرگە يە ەمەسپىن دەپ ەسەتپەيدى. جانە بەيساناعا قۇيىلعان بۇل وي وزدىگىنەن ورىندالا باستايدى: ەگەر ءسىز وزىڭىزگە سەنبەسەڭىز، ءسىزدىڭ قولىڭىزدان ەشتەڭە كەلمەيدى.

«باي بولىپ كەتەتىنىنە سەنبەيىنشە، باي بولۋعا ەشكىم دە دايىن ەمەس» دەيدى «ويلان جانە بايى» كىتابىنىڭ اۆتورى ناپولەون حيلل.

ءبىر نارسەگە جەتسەم دەپ ميىڭىزدى باعىتتاعاندا، ول سول جولدا جۇمىس ىستەي باستايدى.

اقشاعا نەمەسە جوعارى لاۋازىمعا ەمەس، جاڭا تاجىريبەگە، ءوز- ءوزىڭدى دامىتۋعا اسىعىڭىز.

ادامدار ومىردە نەنىڭ قۇندى ەكەنىن بىلمەگەندىكتەن ءجيى باقىتسىزدىققا ۇشىرايدى. ءقازىر كەز كەلگەن ادام «ساراپشى» نەمەسە «باسشى» بولا الادى. ەگەر تەك اقشا مەن لاۋازىمداردىڭ ارتىنان قۋساڭىز، سوڭىندا قۇلازۋ مەن زارىعۋعا تاپ بولاسىز. سىناقتار مەن وزىندىك دامۋ ارقىلى ۇيرەنۋ - باستى قۇندىلىق بولۋى ءتيىس.

ال اۆستريالىق پسيحياتر، پسيحولوگ جانە نەۆرولوگ ۆيكتور فرانكل «باقىتتى دا، تابىستى دا جاۋلاپ الۋ مۇمكىن ەمەس، ول ءوزى پايدا بولۋى كەرەك» دەگەن ەكەن.

كوپتەگەن ادام ءوز ءومىرىن اقشا، قاۋىپسىزدىك، مويىنداتۋ سياقتى بوس دۇنيەنىڭ ارتىنان قۋۋمەن وتكىزەدى. ءبىراق مۇنىڭ ءبارى ءسىز ۇمتىلعان دۇنيەنى بەرمەيدى. سول سەبەپتى جوعارى لاۋازىم مەن باسقالارعا اسەر قالدىرامىن دەۋدىڭ توڭىرەگىندە شىرعالانىپ قالماڭىز. وزىڭىزبەن ماقتانا الاتىن ادام بولۋعا تىرىسۋدى كوزدەڭىز.

كورەالماۋشىلىقتان ارىلىڭىز، وزىڭىزبەن كوبىرەك جۇمىس ىستەڭىز

كورەالماۋشىلىقپەن وتىكزگەن ءار ۋاقىت - زايا كەتكەن ۋاقىت. ەگەر باسقالارعا جالتاقتاي بەرسەڭىز، ءوزىڭىز ءوز بولۋدان قالاسىز. كوزقاراستار مەن ارەكەتتەر توعىسپاعان كەزدە ءسىز ءوزىڭىزدى باقىتسىز سەزىنەسىز. سوندىقتان باسقالاردىڭ تابىسىن قىزعانا بەرمەي، وزىڭىزبەن جۇمىس ىستەڭىز.

ۇيرەنىڭىز، تاجىريبە جاساڭىز، قاتەلىكتەر جاساپ، نەنىڭ بۇرىس، نەنىڭ دۇرىس ىستەمەيتىنىن انىقتاڭىز. ءسىز ۋاقىت وتە جىلدامدىعىڭىزدى ارتىرىپ ماقساتىڭىزعا جاقىندايسىز.

- نىشاناسىزدىقتىڭ ورنىنا جەتىستىكتى تاڭداڭىز.

- ويىن-ساۋىقتىڭ ورنىنا ءبىلىم الۋدى تاڭداڭىز.

- كورەالماۋشىلىقتىڭ ورنىنا ءوزىڭىزدى دامىتىڭىز.

- باسقالاردىڭ قالاۋلارىن ەمەس، ءوز قالاۋىڭىزدى تاڭداڭىز.