+7 (701) 759 90 19
4 °С : نۇر-سۇلتان
7 °С : الماتى
USD 389.98 EUR 434.01
RUB 6.10 CNY 55.04
جاڭالىقتار

مۇعالىمدەردىڭ بالالارى بالاباقشاعا كەزەكسىز قابىلدانادى

28 تامىز 13:32
:ءبولىسۋ
مۇعالىمدەردىڭ بالالارى بالاباقشاعا كەزەكسىز قابىلدانادى

نۇر-سۇلتان. قازاقپارات - مۇعالىمدەردىڭ بالالارىنا بالاباقشادان ءبىرىنشى كەزەكتە ورىن بەرىلەدى. بۇل تۋرالى بۇگىن ۇكىمەت وتىرىسىندا «پەداگوگ مارتەبەسى تۋرالى» زاڭ جوباسىن تانىستىرعان ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات.

«ەلباسى نۇرسۇلتان نازاربايەۆتىڭ تاپسىرماسى اياسىندا مينيسترلىك «پەداگوگ مارتەبەسى تۋرالى» جانە «كەيبىر زاڭنامالىق اكتىلەرگە پەداگوگ مارتەبەسى، مۇعالىم مەن وقۋشىعا جۇكتەمەنى تومەندەتۋ ماسەلەسى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ» جوبالارىن ازىرلەدى. زاڭ جوبالارىن ازىرلەۋ كەزىندە ارناۋلى جۇمىس توبى قۇرىلدى. ولار ەلىمىزدىڭ بارلىق ايماعىندا پەداگوگيكالىق قاۋىممەن كەزدەستى. وسى ارالىقتا جالپى 18 مىڭنان استام ۇسىنىس تالداندى. بارلىق ۇسىنىستار مۇعالىمدەر مەن ساراپتامالىق قوعامداستىقپەن كەڭىنەن تالقىلانىپ ءوتتى. سونداي- اق، الەۋمەتتىك جەلىلەردە 5 تىكەلەي ترانسلياتسيا وتكىزىلدى»، - دەدى ول.

ءمينيستردىڭ اتاپ وتۋىنشە، زاڭ جوبالارىن دايىنداۋ بارىسىندا پەداگوگيكالىق قىزمەتتى رەتتەۋدىڭ حالىقارالىق تاجىريبەسى ەسكەرىلدى. اتاپ ايتقاندا ءبىرقاتار شەت ەلدىڭ زاڭدارى، يۋنەسكو- نىڭ مۇعالىمدەردىڭ جاعدايى تۋرالى ۇسىنىستارى قاراستىرىلدى. «پەداگوگ مارتەبەسى تۋرالى» زاڭ جوباسى 19-باپتان تۇرادى. ال قوسىمشا زاڭ جوباسى 192-باپتى قامتيدى. جالپى زاڭ جوباسى اۋقىمدى 5 باعىتتان تۇرادى. اتاپ ايتقاندا، ماتەريالدىق جانە ماتەريالدىق ەمەس ىنتالاندىرۋ، الەۋمەتتىك كەپىلدىكتەر، ۇستازداردىڭ قۇقىقتارىن كەڭەيتۋ، مۇعالىمدەردىڭ جۇكتەمەسىن ازايتۋ. ماتەريالدىق ەمەس ىنتالاندىرۋعا كەلەر بولساق، ولار مۇعالىمدەردىڭ جۇكتەمەسىن تومەندەتۋ، ار- نامىسى مەن قادىر- قاسيەتىن قورعاۋ كەپىلدىگى، مۇعالىمدەردىڭ بالالارىنا بالاباقشاعا ءبىرىنشى كەزەكتە ورىن بەرۋ، قازاقستاننىڭ ەڭبەك سىڭىرگەن ۇستازى مەملەكەتتىك ناگراداسىنە بەرۋ، تاعى باسقا دا ماتەريالدىق ەمەس ىنتالاندىرۋلار قاراستىرىلعان»، - دەدى ول.

ونىڭ ايتۋىنشا، مۇعالىمدەردىڭ كاسىبي قۇقىقتارى كەڭەيتىلدى. ماسەلەن، وقىتۋ مەن تاربيەلەۋدىڭ اۆتورلىق ادىستەرىن ازىرلەۋ جانە قولدانۋ، وقۋ قۇرالدارىن تاڭداۋ، اقپاراتتىق رەسۋرستاردى تەگىن قولدانۋ، بىلىكتىلىكتى ارتتىرۋ كۋرستارىن وزدەرى تاڭداۋ قۇقىقتارى بەرىلىپ وتىر. «سايلانۋ جانە سايلانبالى لاۋازىمدارعا ورنالاسۋدىڭ جاڭا قۇقىقتارى دا ەنگىزىلدى. بۇل شارالاردىڭ بارلىعى مۇعالىمدەردىڭ جەكە دامۋىنا جانە وقۋ پروتسەسىن جەتىلدىرۋگە مۇمكىندىك جاسايدى دەپ سەنەمىز»، - دەدى ا. ايماعامبەتوۆ.


باستى سوزدەر: ءبىلىم جانە عىلىم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات