+7 (701) 759 90 19
-13 °С : نۇر-سۇلتان
-4 °С : الماتى
USD 386.19 EUR 427.71
RUB 6.07 CNY 54.87
جاڭالىقتار

قازاقستاندىق مۇعالىمدەر جالاقىدان بولەك قانداي ۇستەماقىلار الادى؟

28 تامىز 11:46
:ءبولىسۋ
قازاقستاندىق مۇعالىمدەر جالاقىدان بولەك قانداي ۇستەماقىلار الادى؟

نۇر-سۇلتان. قازاقپارات - «پەداگوگ مارتەبەسى» تۋرالى زاڭ جوباسىندا مۇعالىمدەرگە قوسىمشا اقى تولەۋ قاراستىرىلعان.

بۇل تۋرالى بۇگىن ءبىلىم جانە عىلىم ءمينيسترى اسحات ايماعامبەتوۆ مالىمدەدى دەپ حابارلايدى Sputnik قازاقستان.

ۇكىمەتتە «پەداگوگ مارتەبەسى تۋرالى» زاڭ جوباسىن تانىستىرعان مينيستر نەگىزگى ماتەريالدىق ستيمۋلدارعا توقتالدى.

قۇجاتقا سايكەس، سىنىپ جەتەكشىلىگى مەن داپتەر تەكسەرگەنى ءۇشىن قوسىمشا اقى ەكى ەسەگە وسىرىلەدى. پەداگوگيكالىق شەبەرلىگى ءۇشىن دە قوسىمشا اقى تولەۋ قاراستىرىلعان.

سونداي-اق، ماگيستر دارەجەسى بار مۇعالىمدەرگە 25 مىڭ تەڭگە شاماسىندا ۇستەماقى تولەنەدى.

«سىنىپ جەتەكشىلىگى ءۇشىن 173 مىڭ مۇعالىمنىڭ، ال داپتەر تەكسەرگەنى ءۇشىن 165 مىڭ مۇعالىمنىڭ قوسىمشا اقىسى ەكى ەسەگە ارتادى. 212 مىڭنان استام قىزمەتكەردىڭ بىلىكتىلىك ساناتى ايلىق جالاقىدان 30 دان 50 پروتسەنتكە دەيىنگى مولشەردە قوسىمشا اقى الۋىنا مۇمكىندىك بەرەدى. 7 مىڭ قىزمەتكەرگە ماگيستر دارەجەسى ءۇشىن 10 ا ە ك مولشەرىندە قوسىمشا اقى تولەنەدى»، - دەدى ايماعامبەتوۆ ۇكىمەت وتىرىسىندا.

بۇدان بولەك، 18 مىڭ قىزمەتكەر تالىمگەرلىك ءۇشىن ءبىر بازالىق لاۋازىمدىق جالاقى مولشەرىندە قوسىمشا اقى الادى.

100 مىڭنان استام پەداگوگتىڭ جازعى دەمالىسى 14 كۇنگە ۇزاردى. ەندى ولار دا 56 كۇن دەمالادى.

«ەڭ باستىسى، مەملەكەت باسشىسىنىڭ تاپسىرماسىنا سايكەس، ءتورت جىل ىشىندە جالاقىنى ەكى ەسە ءوسىرۋ ماسەلەسى دە قارالدى»، - دەدى مينيستر.

«پەداگوگ مارتەبەسى» تۋرالى زاڭ جوباسىندا ماتەريالدىق ەمەس ستيمۋلدار دا كوزدەلگەن. ماسەلەن، مۇعالىمدەردىڭ جۇكتەمەسىن ازايتۋ، ار-نامىسى مەن قادىر-قاسيەتىن قورعاۋ كەپىلدىگى، «قازاقستاننىڭ ەڭبەك سىڭىرگەن ۇستازى» مەملەكەتتىك ناگراداسىن بەرۋ جانە تاعى باسقا.

سونداي-اق، زاڭ جوباسىنا سايكەس، مۇعالىمدەردىڭ بالالارىنا بالاباقشادان ءبىرىنشى كەزەكتە ورىن بەرىلەدى.


باستى سوزدەر: ءبىلىم جانە عىلىم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات